1 Samueli 6:13 - Baibuli Ekibono kya Katonda 2014

¹³ Abantu ab'e Bethi Shemeshi baali nga bali kukungula ngaano mu kiiko. Baaja okusitula amaiso bati, nga babona Esanduuku ey'Endagaano ya Musengwa Katonda. Agho baasagamba inho okugibona.

1 Samueli 6:13 ပူးပေါင်းရင်းမြစ်များ

Yoshua 15:10

Nga bw'etuuka e Baala eja ng'ekyezungulula, yaakibita e bugwandhuba yaatuuka ku lusozi Seiri, yeeyongerayo yatuuka ku lusozi Yearimu, ng'ekyo ni Kesaloni, yaalubita ku luuyi lwalwo olw'omukono omugooda olw'e buvandhuba. Agho yaaja yatuuka e Bethi Shemeshi, era yaabita ku Timuna,

1 Samueli 6:12

Agho dhaatambula butereevu nga dhigemye luguudo lulala lwonka oluja e Bethi Shemeshi. Dhaaja nga dhimoola, aye dhaaloba kukyukiraku ku luuyi lwa mukono musaadha oba lwa mugooda. Abafuzi ab'Abafilisiti baaja nga badhinonereza okutuukira irala ku nsalosalo ey'e Bethi Shemeshi.

1 Samueli 6:14

Ekigaali kyaidha kyatuuka mu musiri ogw'omuntu ayetebwa Yoshua ow'e Bethi Shemeshi, kyayemerera agho kumpi n'eibaale eikologho. Abantu baayasaaga emiti egy'ekigaali, baaghaayo ente edho ng'ekigheebwayo ekyokebwa eri Musengwa Katonda.