1 Samueli 5:7 - Baibuli Ekibono kya Katonda 2014

⁷ Abantu ab'omu Ashidodi bwe baabona nga biri bityo, baakoba bati: “Esanduuku ey'Endagaano ya Katonda wa Isiraeli eteekwa kutuvaamu, kuba ali kutubonereza inho ife era n'omusambwa gwaife Dagoni.”

1 Samueli 5:7 ပူးပေါင်းရင်းမြစ်များ

2 Samueli 6:9

Daudi yaatya inho Musengwa Katonda ku lunaku olwo, yaakoba ati: “Nnaasobola ntya okutwala Sanduuku ya Musengwa Katonda eno ey'Endagaano?”

1 Ebyomubyanda 15:13

Olw'okuba ti niimwe omwagibbeeda ku mukuzi ogwasooka, Musengwa Katonda waife kyeyava n'atubonereza olw'obutakola nga bwe yalagira.

Okuvaayo 10:7

Abakungu baakoba kyabazinga bati: “Ono omusaadha aja kulekera li okutweraliikiriza? Leka abasaadha Abaisiraeli baje, basinze Musengwa Katonda waibwe. Tobona nga Misiri eri kufafaagana?”

Okuvaayo 12:33

Agho Abamisiri baagwidhubania Abaisiraeli bave mu Misiri mu bwangu nga bakoba bati: “Bwe mutaja tuja kufa tuweegho.”

Okuvaayo 8:28

Agho kyabazinga yaabakoba ati: “Kale ndidha kubaleka muje mu irungu mugheereyo eyo emisengo ye Musengwa Katonda waimwe, kasita muba nga timuuje ghala inho. Muneegayiriregho eri Musengwa Katonda oyo.”

Okuvaayo 8:8

Kyabazinga yaayetesa Musa ni Aaroni yaabakoba ati: “Muneegayiriregho eri Musengwa Katonda antooleku ebikere bino era abitoole ni ku bantu bange, ndidha kuleka Abaisiraeli baje bagheeyo omusengo ye Musengwa Katonda.”

Okuvaayo 9:28

Muneegayiriregho eri Musengwa Katonda, kuba titukaaghanga kugumira kubwatuka kwa lukuba na mugozi bino. Ndidha kubaleka muje era tikikaabeetaagisa kusigala nga mukaali muno.”

Yeremia 46:25

Musengwa Katonda Afuga Amagye, Katonda wa Isiraeli, akoba ati: “Nja kubonereza Amoni katonda ow'ekibuga Thebesi, ghalala n'ensi Misiri yoonayoona ni bakatonda baayo, era ni bakyabazinga baayo. Nja kutoola kyabazinga wa Misiri n'abo abamwesiga,

Yeremia 48:7

Iwe Moabu, eira weesiganga amaani go n'obukombe bwo, aye mpegaano weena baja kukughangula; era katonda wo ayetebwa Kemoshi, baidha kumutwala mu bunhage, ghalala ni bakabona be n'abakungu be.

1 Samueli 4:8

Tukagwireku! Naani anaatuwonia emisambwa egyo egy'amaani gityo? Egyo n'emisambwa egyaita Abamisiri nga gibasindikira ebibamba ebya buli nsambo mu irungu.

1 Samueli 5:6

Agho Musengwa Katonda yaabonereza inho abantu ab'omu Ashidodi, yaabaleetera okutya einho era yaabasindikira okulwala ebizimba.

1 Samueli 5:8

Kale baatuma abakwenda, baayeta abafuzi ab'Abafilisiti boonaboona. Agho baababuuza bati: “Esanduuku ey'Endagaano ya Katonda wa Isiraeli tugikolere ki?” Bale bairamu bati: “Etwalibwe e Gathi.” Kale baatwala Esanduuku ey'Endagaano ya Katonda e Gathi.

1 Samueli 6:20

Agho abantu ab'e Bethi Shemeshi baakoba bati: “Naani aghanga okuba mu maiso ga Musengwa Katonda ono omutukuvu? Era anaaja w'ani atuveeku?”