1 Samueli 5:4 - Baibuli Ekibono kya Katonda 2014

⁴ Aye bwe baasitukagho ku nkyo ku lunaku olundi olwairirira, baaja okubona ng'ekiwumbe eky'omusambwa Dagoni kabiri kigwire n'obweni bwakyo bwatuuka ku itaka, emberi w'Esanduuku ey'Endagaano ya Musengwa Katonda ng'omutwe n'emikono bikutwikeku, nga bigwire gha mulyango. Ekiwumbe eky'omusambwa Dagoni ogwo, kyasigala kiwuduwudu kyereere.

1 Samueli 5:4 ပူးပေါင်းရင်းမြစ်များ

Isaia 27:9

Aye Abaisiraeli balisoniyibwa ebibi byaibwe, nga bamaze okumenhamenha alutaari dh'emisambwa n'okusekulasekula amabaale gaadho ni gafuuka ensaano. Era nga bamaze okukomya okuniokezanga obubbaani ku alutaari edho, era nga basaaniizaagho kiisi kamanhiso akooleka omusambwa omukazi Ashera.

Isaia 40:20

Aye omwavu atasobola kukozesa zaabu oba feeza, alondagho yaakozesa omuti ogutavunda. Yaanoonia omubaadhi omukugu, yaagukolamu ekifaananie ekitaatengeesebwe ni kigwa.

Yeremia 10:11

Iwe Musengwa Katonda kyova n'okoba oti: “Emisambwa egyo ti n'egyakola eigulu n'ensi, era gija kuzikirizibwa give ku nsi ni ghansi gh'eigulu.”

Yeremia 10:14

Olwo abantu boonaboona baaba nga basirughaire era nga tibakaalimu kategeera. Buli mugheesi wa bintu bya zaabu yaaswala olw'ebifaananie ebisinzibwa by'agheesa; kuba bya buguya bwereere, era biziramu bulamu naire.

Yeremia 10:15

Biziramu muganhulo era bya buguya bwereere. Ku lunaku Musengwa Katonda lw'alibisaliraku omusango okubisinga, bija kuzikirira.

Yeremia 50:2

“Langirira amawulire gano ogakobere amaghanga! Ghanika bendera osansaanie amawulire gano! Otagakweka ng'oti kyama! Aye koba bukobe oti, ‘Babiloni bakigemye! Omusambwa gwakyo Merodaki baguswaziiza, baaguleetera okutya einho. Ebifaananie by'ekibuga ekyo baabimenhiemenhie, n'ebisinzibwa byakyo ebitali Katonda baabizikiriza!’

Danieli 11:8

Alinhaga ebifaananie bya bakatonda baibwe eby'ekyuma ekisaanuusiibwa, yairayo nabyo e Misiri ghalala n'ebintu bye bakozesa mu isinzizo eby'omughendo, ebya feeza ni zaabu. Alibisaagho emyaka nga talumba kyabazinga wa Siria.

Mika 1:7

“Ebifaananie abantu baamu bye babaire basinzanga, abazigu baibwe baja kubimenhamenha. Ebintu ebyagheebwanga bamalaaya ab'omu masabo byonabyona bija kwokebwa omuliro. Ebyo byonabyona ebisinzibwa ebitali Katonda bija kubungibwa bwagho. Olw'okuba ebintu ebyo byafunibwa mu ebyo ebigheebwa bamalaaya, era n'abazigu boona baidha kubitwala bigheebwe bamalaaya abandi.”

1 Samueli 6:5

Kale ni mukole ebiwumbe ebifaanana ng'oti n'ebizimba byaimwe n'ebindi ebifaanana ng'oti n'empube dhaimwe edhiri kwitaitana ensi. Olwo mwise ekitiisa mu Katonda wa Isiraeli, memale katyo oba anaalekera agho okubabonereza imwe, n'emisambwa gyaimwe, era n'ensi yaimwe.