1 Samueli 5:12 - Baibuli Ekibono kya Katonda 2014

¹² Abo abataafa Katonda yabasindikira okulwala ebizimba. Agho abantu ab'omu kibuga baalira, era okulira kwaibwe kwatuuka mu igulu.

1 Samueli 5:12 ပူးပေါင်းရင်းမြစ်များ

1 Bakyabazinga 19:17

Kale omuntu yeenayeena anaawonanga okwitibwa Hazaeli, aidha kwitibwanga Yehu. Ate anaawonanga okwitibwa Yehu, aidha kwitibwanga Elisha.

Okuvaayo 12:30

Obwire obwo, kyabazinga, n'abakungu be, n'Abamisiri boonaboona, baasituka, ghaabaagho okulira okw'amaani mu Misiri mwonamwona, kuba tighaabaagho ndhu ya Mumisiri etaalimu mufu.

Yeremia 14:2

“Ensi Buyudaaya eri mu kulira, ebibuga byamu biri kufaagho. Abantu baamu balambaala ku itaka olw'okunakughala. N'ab'omu Yerusalemu baawowoola ebitaloodheka.

Yeremia 25:34

Muwowoole imwe abakulembeze, mulire amaziga. Imwe abalabirira abantu bange, mwevulunge mu nkungu. Ekiseera kituuse eky'okubaita, babasalesale ng'oti bwe baita entaama enume enungi einho.

Yeremia 48:3

Wulira! Abantu ab'e Horonaimu bali kulira bati, ‘Bikolwa bya bukambwe na kuzikiriza n'ebiri buli ghantu byonka.’

Amosi 5:19

Kiriba ng'oti n'omuntu ali kulumuka ku mpologoma, kabiri n'ayagaanana n'ekisolo ekikambwe. Oba ng'oti n'omuntu angira mu ndhu ni yeesiira ku kimante, omusota ni gumumoodha omukono.

1 Samueli 6:1

Esanduuku ya Musengwa Katonda yamala emyezi musanvu ng'eri mu nsi ey'Abafilisiti.

1 Samueli 9:16

“Enkyo mu kiseera ng'oti ni kino, ndidha kugheereza y'oli omusaadha okuva mu kiketezo kya Benjamini. Oidha kumusiiga omuzigo, abe omukulembeze ow'abantu bange Abaisiraeli. Oyo n'alitoola abantu bange abo mu mikono gy'Abafilisiti, kuba mboine okudaazibwadaazibwa kwaibwe n'okulira kwaibwe kwatuuka ye ndi.”