1 Samueli 4:5 - Baibuli Ekibono kya Katonda 2014

⁵ Esanduuku y'Endagaano ya Musengwa Katonda bwe yatuuka mu kifo Abaisiraeli ghe baasimba weema dhaibwe, Abaisiraeli boonaboona bakuba emizira egy'amaani, n'ensi yaatengeeta.

1 Samueli 4:5 ပူးပေါင်းရင်းမြစ်များ

2 Samueli 15:24

Agho Abiathari yaidha, era okuja okubona nga ni Zadoki kabona yeena aidha n'Abalevi boonaboona nga babbeedie Esanduuku ey'Endagaano ya Katonda. Baisa ghansi Esanduuku ey'Endagaano, okutuusa abantu boonaboona bwe baamala okuva mu kibuga.

1 Bakyabazinga 1:40

Agho abantu boonaboona baaja nga bamunonereza nga bafuuwa endere, era nga basagambya n'eisanhu lingi inho, n'eitaka kumpi lyeyatiseemu olw'okuwowoigana kwaibwe.

Yobu 20:5

eisanhu ly'omubi likoma mangu; omuntu atatya Katonda asangaalaku kaseera buseera.

Yeremia 7:4

Mulobe kwesiga bino bye mwerimba nabyo nga mukoba muti, ‘Eisinzizo lya Musengwa Katonda lirigho, eisinzizo lya Musengwa Katonda lirigho, eisinzizo lya Musengwa Katonda lirigho.’

Amosi 6:3

Mukagwireku imwe abatwala olunaku olw'akabi okuba nga lukaali ghala inho, aye bye mukola ni byongera obwongere okuluseesa okumpi.

Mika 2:11

“Abantu bano benda omulanzi aja ng'abakobera obukwenda obwidhwire okuguya, ng'abakoba ati, ‘Mwidha kufunanga omwenge ogw'emizabbibu n'ebitamiiza ebindi.’

Yoshua 6:20

Kale bakabona baafuuwa endeka. Era abantu olwawulira endeka baaleekaana inho n'amaani, ebimante ebyali byezungulwire ekibuga byagwa byonabyona ku itaka. Olwo abantu bangira mu kibuga butereevu okuva buli muntu ghe yali, baakigema.

Yoshua 6:5

Agho bakabona abo balifuuwayo endeka omukuzi mulala nga muleeyiriri, era bwe muliguwulira abasaadha bo boonaboona balireekaanira ghaigulu omukuzi mulala. Olwo ebimante ebyezungulwire ekibuga byagwa byonabyona ku itaka. Olwo abasaadha bo bangira mu kibuga okuva buli muntu gh'aliba ng'ali.”

Abalamuzi 15:14

Bwe baamutuusa e Lehi, Abafilisiti baalumuka okuja y'ali nga baleekaana. Agho omwoyo gwa Musengwa Katonda gwamwidhaku n'amaani, emigugha egyali gimusibye amakono gyakutuka ng'oti n'ewuuzi edhookeibwa omuliro, n'ebifundwa ebyali bimusibye ku ngalo byalekula.

1 Samueli 4:6

Abafilisiti bwe baawulira okukuba emizira okw'amaani kutyo, beebuuzagania bati: “Okukuba emizira okw'amaani okwo okuli mu Baisiraeli kutegeeza ki?” Era bwe baakitegeera bati Sanduuku ey'Endagaano ya Musengwa Katonda n'eyali etuuse mu kifo Abaisiraeli ghe baasimba weema dhaibwe,