1 Samueli 4:17 - Baibuli Ekibono kya Katonda 2014

¹⁷ Ole eyaleeta amawulire yaamwiramu ati: “Abaisiraeli balumwike Abafilisiti, era Abaisiraeli kamaala inho babaise. Batabane bo bombi, Hofuni ni Finehasi, babaise, n'Esanduuku y'Endagaano ya Katonda baginhaze.”

1 Samueli 4:17 ပူးပေါင်းရင်းမြစ်များ

Zabbuli 78:61

Yaaleka abazigu baanhaga Sanduuku y'Endagaano akamanhiso ke ak'obukumu n'ekitiisa.

Zabbuli 78:64

Bakabona baibwe baabaita n'empiima, era banamwandu baibwe baabalobera okubalira.

1 Samueli 2:34

Era kino ekija okutuuka ku batabane bo bombi, Hofuni ni Finehasi, kiidha kuba akamanhiso akakakasa; bombi baja kufa ku lunaku lulala.

1 Samueli 3:11

Agho Musengwa Katonda yaakoba Samueli ati: “Bona eno, ndi kumpi okukola ekintu mu Isiraeli muno, ekiriwaawaaza amatu ga buli muntu alikiwulira.

1 Samueli 3:12

Ku lunaku olwo nja kutuukiriza byonabyona bye neesoomera okukola Eli n'ab'endhu ye, okuva ku kisooka okutuuka ku kisembayo.

1 Samueli 4:16

Agho omuntu ole yaamukoba ati: “Ninze ndeese amawulire okuva mu lutalo. Nnumwikeyo lwaleero lwene luno.” Eli yaamubuuza ati: “Mwana wange, bijiire bitya?”

1 Samueli 4:18

Ole bwe yayogera ku ky'Esanduuku ey'Endagaano ya Katonda, Eli yaaghanuka ku kityamo kye, yaagwa kya mugongo kumpi n'omulyango. Olw'okuba yali mukaire era nga munene, bwe yagwa yaamenheka enkoto era yaafa. Yali amaze entangama ya myaka amakumi ana ng'akulembera Isiraeli.