1 Samueli 4:16 - Baibuli Ekibono kya Katonda 2014

¹⁶ Agho omuntu ole yaamukoba ati: “Ninze ndeese amawulire okuva mu lutalo. Nnumwikeyo lwaleero lwene luno.” Eli yaamubuuza ati: “Mwana wange, bijiire bitya?”

1 Samueli 4:16 ပူးပေါင်းရင်းမြစ်များ

2 Samueli 1:4

Daudi yaamukoba ati: “Nkobera. Byajiire bitya?” Yairamu ati: “Abaisirukale baife baalumwike mu lutalo era abantu baife kamaala baabaise. Era Saulo ni mutabane we Yonathani, boona baabaise.”

Yoshua 7:19

Yoshua kyeyava naakoba Akyani ati: “Mwana wange, yogera amazima mu maiso ga Musengwa Katonda, Katonda wa Isiraeli weenenie. Nkobera kye wakola otakingisa.”

1 Samueli 3:6

Kabiri Musengwa Katonda yaayeta ati: “Samueli.” Era Samueli yaasituka, yaaja ye Eli yaamukoba ati: “Ndi ghano ndidhie isebo, kuba ondhese.” Aye Eli yaamukoba ati: “Mwana wange, tikwese. Irayo olambaale.”

1 Samueli 4:17

Ole eyaleeta amawulire yaamwiramu ati: “Abaisiraeli balumwike Abafilisiti, era Abaisiraeli kamaala inho babaise. Batabane bo bombi, Hofuni ni Finehasi, babaise, n'Esanduuku y'Endagaano ya Katonda baginhaze.”