1 Samueli 30:6 - Baibuli Ekibono kya Katonda 2014

⁶ Daudi yaaba mu buzibu obutaloodheka, kuba abantu baakoba okumukuba amabaale. Abantu boonaboona baali banakughavu, nga balumirwa batabane baibwe ni baghala baibwe. Aye Daudi yaafuna amaani mu kwesiga Musengwa Katonda we.

1 Samueli 30:6 ပူးပေါင်းရင်းမြစ်များ

Amainhama 32:7

Yakobo yaatya inho era yeeraliikirira. Yaayawulamu ebikunsu bibiri mu bantu be yali nabo, era yaayawula ni mu byayo bye yali nabyo: entaama, n'embuzi, n'ente, n'engamiya.

2 Samueli 17:8

Hushai era yaayongeraku ati: “Okiidhi nga lata wo n'abasaadha be ba maani agataloodheka, ate nga bali n'obusungu ng'oti n'ekisolo ekikambwe ekitooleibwaku ebyana byakyo. N'ekindi lata wo eby'entalo abiidhi inho, taidha kutenduka ghalala na bantu.

2 Bakyabazinga 4:27

Aye bwe yatuuka ku lusozi omuntu wa Katonda ghe yali, yaamugemerera ebigere. Gehazi yaaseeta okumughaluzaagho, aye omuntu wa Katonda yaakoba ati: “Muleke, kuba ali n'enaku nnene ku mwoyo. Ate Musengwa Katonda ekyo akingisiisa yaaloba kunkobera.”

Yobu 13:15

Bona, oba Katonda andhita, andhite, kiki kye nkaasuubirayo? Aye ndidha kwewozaaku mu maiso ge.

Zabbuli 116:10

Nasigala nga nkaikiriza Musengwa Katonda, waire nga mule nakoba nti: “Yii, nga numizibwa inho.”

Zabbuli 138:3

Olunaku lwe nakulirira waidha wambeera, waayongera okundhizaamu amaani.

Zabbuli 18:2

Musengwa Katonda n'olubaale mwe neegisa, era n'ekifo kyange eky'okwewogomamu, oyo n'antoola aghabi. Musengwa oyo ni Katonda wange, era n'engabo mwe neewoma; n'omulwanirizi wange amponia byonabyona.

Zabbuli 18:6

Bwenali ndi mu buzibu nasaba Musengwa Katonda, naalirira Katonda wange ambeere; yawulira amamiro gange ng'ali mu isinzizo, era okulira kwange kwamutuuka mu kutu.

Zabbuli 25:17

Obweraliikirivu buneeyongeireku ku mwoyo, ntoola mu kudaazibwadaazibwa kuno.

Zabbuli 27:14

Weesige Musengwa Katonda otawaamu maani, guma omwoyo. Bwenebwene weesige Musengwa Katonda.

Zabbuli 31:24

Mwiremu amaani era mugume emyoyo, imwe mwenamwena abasuubirira mu Musengwa Katonda.

Zabbuli 42:11

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka, oyo ni Katonda wange era n'ambeera.”

Zabbuli 42:5

Aye neebuuza nti: “Lwaki omwoyo gungwa mu bigere? Era lwaki mbula emiraala? Ka nsuubire mu Katonda, luliba lulala nairamu okumusaaka,

Zabbuli 42:7

Iwe oleetera amaadhi okwefuukuula, gaatyabuka oti lukuba, era geekuluumulula, nga genda kuumira.

Zabbuli 56:11

era nkwesiga nga nzira kintiisa. Omuntu obuntu katyo aghanga kunkola ki?

Zabbuli 62:1

Nteegerera Katonda n'obuguminkiriza aidhe andokole; oyo n'omulokozi wange yenka.

Zabbuli 62:5

Nteegerera Katonda n'obuguminkiriza aidhe andokole, mu oyo eisuubi lyange mwe liva.

Zabbuli 71:4

Wo Katonda wange, ntoola mu ngalo edh'ababi, ontoole mu buyinza obw'abantu abakambwe era ababi.

Zabbuli 71:5

Wo Musengwa Katonda, niiwe mwe nsuubirira era nakwesiga ira okuva mu buto bwange.

Okuvaayo 17:4

Kale Musa yaalirira Musengwa Katonda ati: “Wo Musengwa Katonda, nkole ntya abantu bano? Babulaku katono okunkuba amabaale nfe.”

Ensambo 18:10

Musengwa Katonda ali ng'oti n'ekisenge ekigumu, abakola ebituufu mwe balumukira okuwona ebizibu.

Isaia 25:4

Niiwe obulumukiro abanaku n'abaavu mwe bafunira obuyambi, niiwe ekifo mwe beewogoma okuwona kiwunga, era niiwe ekiwoleeze ekibakingiriza ni bawona olwota. Kuba obuluukuuli bw'abakambwe buli ng'oti n'amaadhi agalimu kiwunga bwe gasaamira ebimante,

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

Yona 2:2

“Wo Musengwa Katonda, bwe nali nga ndi mu bizibu nakweta era wampulira wampa kye nakusaba. Bwenali nga mbalirwa mu bafu, tiwansiriikirira nga ndi kukulirira okumbeera.

Okubala 14:10

Aye abantu boonaboona abeesoloza baayenda bwa kubakuba mabaale. Agho ekitiisa kya Musengwa Katonda kyabonekera Abaisiraeli boonaboona ku Weema ey'Okwagaananirangamu ni Musengwa Katonda.

Matayo 21:9

Eikuukuubira ery'abantu abaamukulemberamu n'abaamunonereza baaleekaana bati: “Hosanna mwidhukulu wa Daudi. Wa nkabi oyo aidha mu liina lya Musengwa, Hosanna mu igulu eyo.”

Matayo 27:22

Pilato yaabakoba ati: “Memale olwo Yesu ayetebwa Kurisito mmukole ki?” Boonaboona baakoba bati: “Mukomerere ku musalaba.”

Yoanne 8:59

Agho baalonda amabaale nga benda bagamukube, aye Yesu yeegisa era yaava mu isinzizo.

Ab'e Roma 4:18

Aburahamu yaikiriza era yasuubirira ni gh'atandisuubiriire, kyeyava afuuka dhaadha ow'amaghanga kamaala, kuba era n'ebyaghandiikibwa bikoba biti: “Eizaire lyo lityo bwe liriba.”

Ab'e Roma 4:20

Tiyalekayo kwikiriza era ti yabuusabuusa Katonda kye yamusuubiza. Yeeyongera mu kwikiriza, yaagha Katonda ekitiisa

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

2 Ab'e Korintho 1:6

Bwe tudaazibwadaazibwa, imwe mufuna okugumizibwa n'okulokolebwa, ate bwe tugumizibwa era mwafuna amaani ag'okuguminkiriza, n'okubita mu kudaagadaaga nga ife kwe tubitamu.

2 Ab'e Korintho 4:8

Tudaazibwadaazibwa mu buli nsambo aye ti tuwaamu maani, tusoberwa aye ti tuwaamu isuubi.

2 Ab'e Korintho 7:5

Ni bwe twatuuka e Makedonia titwawuumula naire. Ebizibu byali buli ghantu eby'okusoola n'abantu abandi ate n'eby'okweraliikirira.

Abaheburayi 13:6

Kyetuva ni twogera n'obugumu tuti: “Musengwa n'omubeezi wange, tiityenga kintu kyonakyona. Omuntu aghanga kunkola ki?”

Abalamuzi 18:25

Ab'omu kika kya Dani baakoba bati: “Ekisinga, otayongera kwogera, okutoolaku ng'oyenda abasaadha bano abakambwe bakulumbe, bakwite iwe n'ab'omu ndhu yo.”

Abalamuzi 20:22

Aye ekyo kyaloba kumala mu Baisiraeli maani. Baaguma baata kabiri abalwani mu lunhiriri, mu kifo gheene ghe baabata ku lunaku olwasooka.

1 Samueli 1:10

Hanna yaaja yaasaba Musengwa Katonda nga munakughavu inho, era ng'ali kulira amaziga inho.

1 Samueli 23:16

Agho Yonathani mutabane wa Saulo yeesitula, yaaja ye Daudi eyo e Horeshi, yaamugumya ayongere okwesiga Katonda.

1 Samueli 28:15

Samueli yaabuuza Saulo ati: “Lwaki ontabwiretabwire n'ontoola e magombe?” Saulo yaamwiramu ati: “Ndi mu buzibu obutaloodheka! Abafilisiti bantanwireku olutalo, ate Katonda andekuliire agho, yaaloba okundhiramu, ni bwe kuba okubita mu balanzi oba mu birooto. Kyenviire ni nkweta onkobere kye mbe nkole.”