1 Samueli 30:24 - Baibuli Ekibono kya Katonda 2014

²⁴ Ghazira muntu aidha kuwulirisa kye muli kukoba. Ole eyasigala einhuma okukuuma ebintu, n'ole eyaja mu lutalo, bateekwa okufuna omugabo n'omulala. Boonaboona baidha kwagayaza nga bagabana.”

1 Samueli 30:24 ပူးပေါင်းရင်းမြစ်များ

Zabbuli 68:12

“Bakyabazinga n'amagye gaibwe balumuka era balumuka!” Abakazi abaasigala eka n'abaagabana omunhago

Okubala 31:27

Memale mubigabaniemu ghabiri, ebindi bibe bya balwani beene abaaja mu lutalo, ate ebindi bibe bya bantu abandi boonaboona.

Yoshua 22:8

yabakoba ati: “Muli kwirayo mu maka gaimwe n'obukombe kamaala, n'ente kamaala, ni feeza, ni zaabu, n'ebyuma eby'ekikomo, n'ebyuma ebigumu einho, n'ebivaalo kamaala mugabane ni baganda baimwe ebyo bye mwanhaga ku bazigu baimwe.”

1 Samueli 22:2

Abantu abaali batuntuzibwa, n'abaali babandhibwa, era n'abo abataali basiimu, boonaboona beesololeza aghaali Daudi. Daudi yaafuuka mukulembeze waibwe, nga boonaboona baghera ng'oti ebikumi bina.

1 Samueli 25:13

Daudi yaakoba abasaadha be ati: “Buli muntu yeesibe empiima ye.” Agho buli muntu yeesiba empiima ye. Daudi yeena yeesiba eyiye. Abantu ng'oti ebikumi bina baanonereza Daudi oyo, ate ebikumi ebibiri baasigala okukuuma ebintu ebikozesebwa.

1 Samueli 30:23

Aye Daudi yaabakoba ati: “Baganda bange, mutakola mutyo ku ebyo Musengwa Katonda by'atughaire. Yatukuumye nga tuli balamu, yaata mu ngalo dhaife abanhazi abo abaatulumba.

1 Samueli 30:25

Era okuva n'olwo, eryo lyafuuka iteeka era kiragiro mu Isiraeli, okutuusa ni ye buli eno.