1 Samueli 30:22 - Baibuli Ekibono kya Katonda 2014

²² Agho abasaadha ababi era abazira kye bagasa, abaali mu abo abaaja ni Daudi, baakoba bati: “Abo abataajiire n'ife ghazira kye twidha kubagha ku munhago gwe tuleese, okutoolaku okubaganha batwale bakazi baibwe n'abaana baibwe, memale bagolole.”

1 Samueli 30:22 ပူးပေါင်းရင်းမြစ်များ

1 Bakyabazinga 21:10

Olwo muleete mu maiso ge abantu babiri abazira kye bagasa, bamulumirize bati, ‘Wavuma Katonda era waavuma ni kyabazinga.’ Memale olwo mumutoolegho, mumutwale mumukube amabaale afe.”

1 Bakyabazinga 21:13

Abantu babiri abazira kye bagasa baidha baatyama mu maiso ge, era baamulumiriza mu maiso g'abantu nga bakoba bati: “Nabothi yavuma Katonda era yaavuma ni kyabazinga.” Kale abantu baamutwala kuliya kw'ekibuga, baamukuba amabaale, yaafa.

Matayo 7:12

“Kale ni ebyo byonabyona bye mwenda abantu babakolere, mutyo mwena mubibakolerenga kuba ekyo Amateeka n'abalanzi kye bitegeeza.

Amateeka Agokubiri 13:13

ghaligho abantu ab'eighanga lyaimwe abadankaanu, abamaze okusendasenda abatyamye b'omu kibuga kyaibwe okusinza bakatonda be mutasinzangaku.

Abalamuzi 19:22

Bwe baali nga bakaasanhuka, abasaadha ab'omu kibuga abadankaanu baazingiza endhu eyo okugyezunguluza. Baakonta ku lwigi, baakoba omusaadha omukaire mwene ndhu bati: “Fulumya omusaadha oyo aingiire mu ndhu yo, tube naye mu nsambo abasaadha ye babaamu n'abakazi mu buliri!”

1 Samueli 22:2

Abantu abaali batuntuzibwa, n'abaali babandhibwa, era n'abo abataali basiimu, boonaboona beesololeza aghaali Daudi. Daudi yaafuuka mukulembeze waibwe, nga boonaboona baghera ng'oti ebikumi bina.

1 Samueli 25:17

Kale ni ekyo kirowoozeeku era osalegho ky'onaakola, kuba kiidha kuleetera musengwa waife akabi okumwidhira aghalala n'ab'endhu ye. Ate musengwa waife oyo muntu wa ikabyo inho, ghazira aghanga kwogeraku naye.”

1 Samueli 25:25

Nkusaba, musengwa wange, olobe kufa ku Nabali, kuba omuntu oyo mubi. Era eriina lye kye likoba, yeena ky'ali ayetebwa Nabali, era nga bwenebwene musiru. Aye nze omugheereza wo omukazi tyabona baisuka iwe musengwa wange be watuma.

1 Samueli 30:21

Agho Daudi yaaja eri abasaadha bale abaasigala ku kaiga Besori, abataaghanga kuja naye olw'okuba abakoowu einho. Baavaayo okumweisuusaayo ni be yali nabo. Daudi bwe yabatuukaku, yaabalamusa.

1 Samueli 30:23

Aye Daudi yaabakoba ati: “Baganda bange, mutakola mutyo ku ebyo Musengwa Katonda by'atughaire. Yatukuumye nga tuli balamu, yaata mu ngalo dhaife abanhazi abo abaatulumba.