1 Samueli 30:21 - Baibuli Ekibono kya Katonda 2014

²¹ Agho Daudi yaaja eri abasaadha bale abaasigala ku kaiga Besori, abataaghanga kuja naye olw'okuba abakoowu einho. Baavaayo okumweisuusaayo ni be yali nabo. Daudi bwe yabatuukaku, yaabalamusa.

1 Samueli 30:21 ပူးပေါင်းရင်းမြစ်များ

Abaheburayi 13:1

Mujenga mu maiso n'okugonzania ng'aboluganda mu Kurisito.

1 Petero 3:8

Ekisembayo mwisanienga mwenamwena era nga mulumirwagana. Mugonzenga aboluganda era mubenga ba kisa era abawombeefu.

Abalamuzi 8:15

Agho Gideoni yaaja y'abantu b'omu Sukkothi yaabakoba ati: “Mubone Zeba ni Zalumunna, be mwavaaku okuunumya nga mukoba muti, ‘Obwo abalwani bo bamaze okugema Zeba ni Zalumunna, memale olwo ife tughe abalwani bo abo abakoowu emere?’ ”

1 Samueli 17:18

Era twalira n'omuduumizi ebitole bino eikumi eby'omuzigo omugemu. Ja obone baganda bo bwe bali era ondeetere akamanhiso okuva ye bali.”

1 Samueli 17:22

Daudi yaatoola ebintu bye yatwala, yaabirekera omukuumi w'eiterekero, mwene yaalumuka okutuuka ku igye, yaaja yaalamusa baganda be.

1 Samueli 30:10

Aye Daudi yeeyongerayo n'abasaadha ebikumi bina, kuba abasaadha ebikumi ebibiri baali bakooye inho, nga tibaghanga kusomoka kaiga Besori, kale n'okusigala agho.

1 Samueli 30:22

Agho abasaadha ababi era abazira kye bagasa, abaali mu abo abaaja ni Daudi, baakoba bati: “Abo abataajiire n'ife ghazira kye twidha kubagha ku munhago gwe tuleese, okutoolaku okubaganha batwale bakazi baibwe n'abaana baibwe, memale bagolole.”