1 Samueli 30:2 - Baibuli Ekibono kya Katonda 2014

² Era baanhaga abakazi ni boonaboona abaakirimu, abato n'abakulu. Tibaita muntu yeenayeena, aye baabanhaga bunhage baaja nabo.

1 Samueli 30:2 ပူးပေါင်းရင်းမြစ်များ

Yobu 38:11

Naagikoba nti: ‘Kanga ghano, era otaswikangagho. N'okwesiikuula kwo okw'amaani kunaakomanga ghano.’”

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

1 Samueli 27:11

Daudi yaaloba kulekangagho musaadha waire omukazi nga mulamu. Olwo ghalobe kubaagho aleeta mawulire e Gathi, kuba Daudi yakobanga mule ati: “Tomanha bwe baja ni batuseegha, nga bakoba bati: ‘Daudi akola ati n'ati.’ ” Atyo Daudi bwe yakolanga ekiseera kyonakyona kye yamala mu nsi y'Abafilisiti.

1 Samueli 30:19

Ghazira kintu kyonakyona kyabula, ka kibe ekinene oba ekitono, ka babe abaana abalenzi oba abaghala, ka gube omunhago oba ekintu kyonakyona Abamaleki kye baali batwaire byonabyona Daudi yabiiza.

1 Samueli 30:3

Daudi n'abasaadha be bwe baatuuka mu kibuga, baayagaana nga bakyokiikya omuliro era nga bakazi baibwe, ni batabane baibwe, ni baghala baibwe, babatwaire nga banhage.