1 Samueli 30:16 - Baibuli Ekibono kya Katonda 2014

¹⁶ Omwisuka Omumisiri oyo yaatwala Daudi eri abanhazi abo. Baabaagaana nga basansaaniire agho woonawoona, nga bali kulya, bali kunhwa, era nga bali kukina. Baali mu kusagamba olw'omunhago omungi gwe baatoola mu nsi Bufilisiti ni Buyudaaya.

1 Samueli 30:16 ပူးပေါင်းရင်းမြစ်များ

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

1 Ebyomubyanda 4:43

Eyo baitirayo Abamaleki abaali bawoniegho nga balumukiireyo, beene baasengayo ni ye buli eno.

Yobu 20:5

eisanhu ly'omubi likoma mangu; omuntu atatya Katonda asangaalaku kaseera buseera.

Zabbuli 119:162

Nsagamba inho olw'ebyo bye wasuubiza, naaba ng'oti n'ole agwire mu by'obukombe kamaala.

Okuvaayo 32:6

Era olunaku olwairirira baawuuna baaghaayo ebigheebwayo ebyokebwa, baaleeta n'ebigheebwayo olw'okutabagana. Abantu baatyama baalya era baanhwa, era baatoolera n'okukola eby'ensoni.

Isaia 22:13

Aye mu kifo ky'okukola mutyo, imwe mwaira bwa mu masanhu na kusagamba, mwaita ente n'entaama, mwalya emamba era mwanhwa n'omwenge. Eno nga mukoba muti: “Ka tunhwe era tulye, kuba enkyo tuja kwefiira.”

Isaia 9:3

Oleeteire abantu okweyongera obungi mu ighanga, waabaleetera okweyongera okusangaala. Basagambira mu maiso go ng'oti bwe basagamba mu makungula, oba ng'oti n'abantu bwe basagamba nga bagabana omunhago.

1 Ab'e Thessalonika 5:3

Abantu balikoba bati: “Ghaligho emiraala era ghazira kabi,” aye balija okubona bati ng'okuzikirira kubatuuseeku. Kulibazindula ng'oti n'ebisa eby'omwana bwe bizindula omukazi ali kumpi okuzaala, era tighaliba gha kuwonera.

Yoshua 22:8

yabakoba ati: “Muli kwirayo mu maka gaimwe n'obukombe kamaala, n'ente kamaala, ni feeza, ni zaabu, n'ebyuma eby'ekikomo, n'ebyuma ebigumu einho, n'ebivaalo kamaala mugabane ni baganda baimwe ebyo bye mwanhaga ku bazigu baimwe.”

Abalamuzi 8:11

Gideoni yaagema engira ey'e buvandhuba bw'e Noba n'e Yogubeha, yaalumba eigye eryo nga tirimwetegekeire.

1 Samueli 30:14

Twalumba ekiketezo ekikalukalu eky'Abakerethi, n'ekya Buyudaaya ku luuyi olw'omukono omusaadha olw'e buvandhuba, n'ekya Kalebu, era twayokya ekibuga Zikulaga omuliro.”

1 Samueli 30:15

Daudi yaamubuuza ati: “Oghanga okuntwala eri abanhazi abo?” Omwisuka yairamu ati: “Ndayirira mu liina lya Katonda nga toidha kundhita oba okumpaayo mu ngalo dha musengwa wange, olwo ndidha kukutwala eri abanhazi abo.”