1 Samueli 30:15 - Baibuli Ekibono kya Katonda 2014

¹⁵ Daudi yaamubuuza ati: “Oghanga okuntwala eri abanhazi abo?” Omwisuka yairamu ati: “Ndayirira mu liina lya Katonda nga toidha kundhita oba okumpaayo mu ngalo dha musengwa wange, olwo ndidha kukutwala eri abanhazi abo.”

1 Samueli 30:15 ပူးပေါင်းရင်းမြစ်များ

Amainhama 24:3

Nhenda olayire mu liina lya Musengwa Katonda, oyo Katonda ow'eigulu n'ensi, oti tolifunira mwana wange mukazi ava mu bantu ba ghano mu Kanaani, be mbaamu.

Ezekieli 17:13

Yaatwala mulala ku balangira, yaakola naye endagaano era yaamulayiza okuba omwesigwa. Yaatwala n'abantu abakologho mu nsi eyo ng'omusingo,

Ezekieli 17:16

“Aye nze Musengwa Katonda ndayira nti nga bwendi omulamu, kyabazinga oyo alifiira mu Babilonia, kuba yamenha endagaano ye yakola ni kyabazinga waayo, ate nga kyabazinga w'e Babilonia oyo n'eyamufuula kyabazinga.

Ezekieli 17:19

Musengwa Katonda kyava n'akoba nti: “Bwenebwene ndayira nti nga bwendi omulamu, ndimwesasulizaaku olw'okunhoomoola kye yeeyama ye ndi, n'amenha endagaano yange.

Yoshua 2:12

Agho ni mundayirire mu liina lya Musengwa Katonda oyo muti mulibisa bukalamu, ab'endhu ya lata wange, ng'oti ninze bwembabisiisa obukalamu. Era mbasaba mumpe akamanhiso akakakafu.

Yoshua 9:15

Yoshua yaakola nabo endagaano, yaabalayirira obutabaita era n'abakulu ab'ebikunsu mu Isiraeli baakola batyo.

Abalamuzi 1:24

Abakeesi abo baabona omusaadha ali kukivaamu, baamukoba bati: “Tukweghemba otulagirire ghe tughanga okubita okwingira mu kibuga, twidha kukubisa bukalamu.”

1 Samueli 29:6

Agho Akishi yaayeta Daudi yaamukoba ati: “Ndayira mu Musengwa Katonda omulamu nti obaire mwesigwa ye ndi. Era nze mbona nga kyandibaire kikalamu okuja ninze mu lutalo luno, kuba tikuboinemu kisobyo kyonakyona kasookanga oidha ye ndi okutuusa ni ye buli eno. Aye abafuzi bale abandi tibali kwenda oje n'ife.

1 Samueli 30:14

Twalumba ekiketezo ekikalukalu eky'Abakerethi, n'ekya Buyudaaya ku luuyi olw'omukono omusaadha olw'e buvandhuba, n'ekya Kalebu, era twayokya ekibuga Zikulaga omuliro.”

1 Samueli 30:16

Omwisuka Omumisiri oyo yaatwala Daudi eri abanhazi abo. Baabaagaana nga basansaaniire agho woonawoona, nga bali kulya, bali kunhwa, era nga bali kukina. Baali mu kusagamba olw'omunhago omungi gwe baatoola mu nsi Bufilisiti ni Buyudaaya.