1 Samueli 3:19 - Baibuli Ekibono kya Katonda 2014

¹⁹ Samueli yaakula, era Musengwa Katonda yaabanga ghalala naye. Musengwa Katonda yaaloba kuganhanga Samueli oyo ky'akobye ni kiroba kutuukirira.

1 Samueli 3:19 ပူးပေါင်းရင်းမြစ်များ

Amainhama 21:22

Agho mu biseera ebyo, Abimeleki ng'ali ghalala ni Fikoli omuduumizi w'eigye lye, baidha ye Aburahamu. Abimeleki yaakoba Aburahamu ati: “Katonda aba n'iwe mu byonabyona by'okola.

Amainhama 28:15

Bona, ndi n'iwe, ndidha kukukuumanga yoonayoona y'onaajanga, era ndidha kukwiza mu nsi eno; tirikulekulira agho, okutuusa nga mmaze okutuukiriza ebyo bye nkukobye.”

Amainhama 39:2

Musengwa Katonda yaabanga ni Yosefu, era Yosefu oyo yaabanga wa nkabi mu byonabyona bye yakolanga; yaabanga mu ndhu ya musengwa we Omumisiri.

Amainhama 39:3

Omumisiri oyo yaabona nga Musengwa Katonda ali ni Yosefu, era ng'amugha enkabi mu buli ky'akola.

1 Bakyabazinga 8:56

“Musengwa Katonda asaakibwe, oyo aghaire abantu be Abaisiraeli emiraala nga bwe yasuubiza. Ghaziragho waire ekintu ekirala kiti ky'atatuukiriiza, ku birungi bye yasuubiza ng'abita mu Musa omugheereza we.

2 Bakyabazinga 10:10

Kale ni mukimanhe nga buli kintu Musengwa Katonda kye yakoba ku b'endhu ya Ahabu, tikiriroba kutuukirira. Musengwa Katonda akoze ekyo kye yayogera ng'abita mu mugheereza we Eliya.”

2 Bakyabazinga 15:12

Ekyo kyatuukiriza Musengwa Katonda kye yasuubiza kyabazinga Yehu, ati: “Ab'eizaire lyo okutuuka ku luse olwokuna, balityama ku kityamo eky'obwakyabazinga bwa Isiraeli.”

2 Bakyabazinga 22:16

Musengwa Katonda akoba ati, akabi akoogerwaku mu kitabo kino kyabazinga wa Buyudaaya ky'asomye, nja kukatuusa ku kifo kino ni ku bantu baamu.

Isaia 43:2

Bw'olibita mu maadhi agenda okukumira, ndiba ghalala n'iwe. Ni bwe galiba ag'emiiga tigalikweyaagho. Ni bw'olibita mu muliro tigulikwokya, ezira kabi kalikutuukaku;

Isaia 44:26

Aye nkakasa ebyo omugheereza wange by'ayogera, naatuukiriza omukwenda wange oyo by'alangirira. Ekibuga Yerusalemu nkikakasa nga bwe kiidha okubangamu abantu, n'ebibuga bya Buyudaaya ebyayonoonebwa naabikakasa nga bwe birizimbibwa obuyaaka.

Isaia 55:11

Kale ni, n'ekibono kye ndhogera kityo bwe kinaabanga. Tikiirenga ye ndi nga kiri makaya, aye kiidha kukolanga ebyo bye nhenda, kituukirizenga bukalamu bye nnaabanga nkitumye.

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Luka 1:28

Malaika yaidha y'ali yaamukoba ati: “Emiraala gibe n'iwe, oli wa nkabi, Musengwa ali n'iwe!”

Luka 1:80

Omwana yaakula era yaaba wa maani mu mwoyo, yaabanga eyo mu malungu okutuusa ku lunaku lwe yeeyoleka Isiraeli.

Luka 2:40

Omwana yaakula yaaba wa maani, ng'aidhwire amagezi era n'enkabi dha Katonda ng'ali nadho.

Luka 2:52

Yesu yeeyongera mu magezi n'okukula era n'okugonzebwa Katonda n'abantu.

2 Ab'e Korintho 13:11

Ekisembayo aboluganda: Tukaali! Mufube okuba abatuukiriire, mujiire ku kugalaga kwange, mwisanie, mube n'emiraala, ni Katonda mwene kugonza era mwene miraala anaabanga n'imwe.

Amateeka Agokubiri 18:22

Mwidha kutegeeranga, kuba omulanzi bw'ayogera mu liina lya Musengwa Katonda, aye ky'ayogeire ni kitabaagho oba ni kitatuukirira, ekyo kiba nga Musengwa Katonda ti n'akyogeire. Omulanzi aba ng'akyogeire lwa kwetulinkiriza, era kitabatiisanga.”

2 Timotheo 4:22

Musengwa abe n'omwoyo gwo. Enkabi dha Katonda dhibe n'imwe mwenamwena.

Yoshua 21:45

Musengwa Katonda yaatuukiriza kiisi kyonakyona kye yasuubiza okukolera Abaisiraeli.

Abalamuzi 13:24

Agho ekiseera nga kibiseegho, omukazi yaazaala omwana mulenzi, yaamutuuma eriina Samusoni. Omwana yaakula, Musengwa Katonda yaamugha enkabi.

1 Samueli 10:7

Obumanhiso obwo bwe bunaakutuukaku, iwe kola bukole kyonakyona ky'osobola okukola, kuba Musengwa Katonda ali ghalala n'iwe.

1 Samueli 12:2

Mperaano wuuyo aidha kubakulemberanga. Nze ndi mukaire ow'envu, era mubona batabane bange abali n'imwe. Nze mbakulembeire okuva nga ndi mwisuka okutuusa ni ye buli eno.

1 Samueli 16:18

Ghaabaagho omwisuka yaakoba ati: “Bona eno, nze nabona eyo mutabane wa Yesse Omubethelehemu ng'aidhi inho okugikuba. Omusaadha oyo mulwani wa ntalo aziramu ntete, mwogezi mulungi, mulungi mu mboneka ye, era Musengwa Katonda ali naye.”

1 Samueli 18:12

Saulo yaatya Daudi, kuba Musengwa Katonda yali ng'ali ni Daudi oyo, aye ng'aviire ku Saulo.

1 Samueli 18:14

Byonabyona Daudi bye yakolanga nga bimujiira bukalamu, kuba Musengwa Katonda yalinga ghalala naye.

1 Samueli 18:5

Daudi yaajanga, yaakolanga bukalamu buli kintu Saulo kye yamutumanga okukola. Kale Saulo yaamufuula omukulu w'abaisirukale. Ekyo kyasangaaza inho abagheereza ba Saulo n'abantu boonaboona.

1 Samueli 2:21

Musengwa Katonda yaayongera okugha Hanna enkabi, yaazaala abaana abandi abalenzi basatu n'abaghala babiri. Omulenzi Samueli yaayongera okukula ng'agheereza Musengwa Katonda.

1 Samueli 2:26

Agho omulenzi Samueli yeeyongera okukula n'okugonzebwa Musengwa Katonda n'abantu.

1 Samueli 9:6

Aye omugheereza yaamwiramu ati: “Bona eno, mu kibuga kino mulimu omuntu wa Katonda abantu ye baisaamu ekitiisa, era kiisi ky'ayogera kituukirira. Ka tuje y'ali, oba katyo anaatukobera eby'olugendo lwaife lwe tuli kutambula.”