1 Samueli 3:18 - Baibuli Ekibono kya Katonda 2014

¹⁸ Kale Samueli yaamukobera byonabyona nga ghazira ky'amugisiisa naire. Eli yaakoba ati: “Oyo ni Musengwa Katonda, k'akole mwene ky'abona nga n'ekirungi.”

1 Samueli 3:18 ပူးပေါင်းရင်းမြစ်များ

Amainhama 18:25

Ekyo tikikoleka! Okwitira abantu abatuufu ghalala n'aboonooni olwo abatuufu ni baba nga baagayaga n'aboonooni! Ekyo tikikoleka! Omulamuzi ow'ensi yoonayoona ali n'okusala omusango mu butuufu.”

2 Samueli 10:12

Guma omwoyo, tulwane kisaadha ku lw'abantu baife n'ebibuga bya Katonda waife. Ka tusabe Musengwa Katonda akole ekyo ky'abona nga n'ekigwaine.”

2 Samueli 15:26

Aye bw'alinkoba ati, ‘By'okola tibisiima,’ kale nze ndigho, alinkola mwene ky'alibona nga n'ekingwaniire.”

2 Bakyabazinga 20:19

Agho Hezekia yaakoba Isaia ati: “Musengwa Katonda by'ayogeire birungi.” Hezekia yakoba atyo, kuba yalowooza mule ati: “Bisobola bitya obutaba birungi, ng'ate ghaja kubaagho miraala na butebenkevu mu biseera byange?”

1 Ebyomubyanda 19:13

Guma omwoyo, tulwane kisaadha ku lw'abantu baife n'ebibuga bya Katonda waife. Ka tusabe Musengwa Katonda akole ekyo ky'abona nga n'ekigwaine.”

Yobu 1:21

Yaakoba ati: “Mu nda ya maama navaamu nga ndi bwereere, era ndifa nga ndi bwereere. Musengwa Katonda n'eyampa ebyo, era Musengwa Katonda oyo n'atoiregho kale asaakibwe.”

Yobu 2:10

Aye Yobu yaamukoba ati: “Oli kwogera ng'oti n'abakazi abasirusiru bwe boogera. Obwo, tunaasanhukiranga birungi byonka Katonda by'atugha, twaloba kusanhukira bitunhiga by'atugha?” Mu ebyo byonabyona ebyagwagho Yobu tiyayogera bubi ku Katonda.

Zabbuli 39:9

Ka nsirike, tiidha kwogera kibono kyonakyona, kuba okudaagadaaga kwange kuva y'oli.

Okuvaayo 34:5

Agho Musengwa Katonda yaikira mu kire, yaayemerera agho ni Musa era yaayatula eriina lye erya “Musengwa Katonda.”

Isaia 39:8

Agho Hezekia yaakoba Isaia ati: “Musengwa Katonda by'ayogeire birungi.” Hezekia oyo yakoba atyo, kuba yalowooza mule ati: “Kasita mu bulamu bwange twidha kubanga mu miraala nga ghazira kitweraliikiriza?”

Yeremia 34:6

Kale nze naaja, naakobera kyabazinga Zedekia obukwenda obwo ng'ali mu Yerusalemu.

Yeremia 38:14

Agho kabiri kyabazinga Zedekia yandhetesa bantwale ye yali ku mulyango ogwokusatu ogw'eisinzizo. Bwe natuukayo yankoba ati: “Nja kukubuuza ekibuuzo, era nhenda onkobere amazima geene nga tolekaayo.”

Yeremia 42:4

Nze naabairamu nti: “Bye mukobye mbiwuliire. Bwenebwene ndidha kusaba Musengwa Katonda waife, nga bwe munsabye. Era by'anankoba byonabyona ndidha kubibakobera, aghazira okulekayo waire ekirala kiti.”

Okulira 3:39

Lwaki omuntu yeemuluguunhia ng'ali kubonerezebwa olw'ebibi bye?

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

1 Petero 5:6

Kale ni mwewooye ghansi gh'omukono gwa Katonda ogw'amaani, olwo alibafuula okuba aba ghaigulu mu kiseera kye ekituufu.

Abalamuzi 10:15

Aye Abaisiraeli baakoba Musengwa Katonda bati: “Twayonoona. Iwe tukole kyonakyona ky'onaabona nga n'ekitugwaniire. Aye tukweghemba otununule olwaleero.”