1 Samueli 3:17 - Baibuli Ekibono kya Katonda 2014

¹⁷ Eli yaamubuuza ati: “Kiki Musengwa Katonda kye yakukobye? Otakingisa. Katonda k'akubonereze inho, bw'ongisa ekintu kyonakyona ku ebyo bye yakukobye.”

1 Samueli 3:17 ပူးပေါင်းရင်းမြစ်များ

2 Samueli 14:18

Agho kyabazinga yaakoba omukazi ati: “Otangisa kintu kyonakyona ku bye nja okukubuuza.” Omukazi yaakoba ati: “Isebantu kyabazinga, mbuuza.”

2 Samueli 19:13

Kyabazinga Daudi era yaakoba Zadoki ni Abiathari ati: “Era mukobe Amasa muti, ‘Iwe ow'omusaayi ogwange gwene, okuva ni mpegaano bw'otaafuuke muduumizi wa igye lyange mu kifo kya Yoabu, Katonda agwananga yambonereza inho.’ ”

2 Samueli 3:35

Agho abantu boonaboona baajanga beegayirira Daudi alye ku mmere omusana ogwo. Aye Daudi yeefuugha ng'akoba ati: “Katonda agwananga yambonereza inho, bwe nkombanga ku mmere oba ekintu ekindi kyonakyona ng'endhuba ekaali kugwa.”

2 Samueli 3:9

Kale ni Katonda agwananga yambonereza inho, Nze Abuneri, bwentatuukirizanga ekyo Musengwa Katonda kye yalayirira Daudi,

1 Bakyabazinga 22:16

Aye Ahabu yaamukoba ati: “Nakukoba nti bw'obanga ng'oli kwogera ninze mu liina lya Musengwa Katonda, ogwaine oyogere mazima gonka. Oyenda nkwiraganemu ekintu ekyo mikuzi emeka?”

2 Bakyabazinga 6:31

Kyabazinga oyo yaakoba ati: “Katonda agwananga yambonereza n'obukambwe, Elisha mutabane wa Safati bwe bataamutemeku mutwe olwaleero.”

Zabbuli 141:5

Omuntu omukalamu amala gambonereza oba yandhuuka olw'okungemerwa ekisa, okusinga okuganha ekitiibwa ekimpeebwa abantu ababi, kuba tirekerangaku kusaba nga nvumirira ebikolwa byaibwe ebibi.

Yeremia 38:14

Agho kabiri kyabazinga Zedekia yandhetesa bantwale ye yali ku mulyango ogwokusatu ogw'eisinzizo. Bwe natuukayo yankoba ati: “Nja kukubuuza ekibuuzo, era nhenda onkobere amazima geene nga tolekaayo.”

Yeremia 42:4

Nze naabairamu nti: “Bye mukobye mbiwuliire. Bwenebwene ndidha kusaba Musengwa Katonda waife, nga bwe munsabye. Era by'anankoba byonabyona ndidha kubibakobera, aghazira okulekayo waire ekirala kiti.”

Danieli 4:19

Agho Danieli oyo, era ye baatuuma eriina Beluteshazzari, yaamala akaseera ng'asobeirwa era ng'ali kutya okwogera. Kyabazinga yaamukoba ati: “Beluteshazzari, ekirooto n'amakulu gaakyo birobe kukutiisa bityo.” Beluteshazzari yaamwiramu ati: “Isebantu kyabazinga, kyandibaire kirungi nguli ekirooto ekyo kibaire kigema ku abo abakukyagha, n'amakulu gaakyo gaaba nga gagema ku bazigu bo!

Mika 2:7

Odhuuba oti Abaisiraeli Musengwa Katonda yatukolimira? Oba oti okuguminkiriza kwe kwakendeera? Mbo bwenebwene Musengwa Katonda aghanga okukola ebintu oti n'ebyo? Buliidho tayogera na kivunika n'abo abakola obulungi?”

Okubala 23:17

Balaamu yaira ye Balaki, yaamwagaana ng'akaayemereire kumpi n'ekigheebwayo kye ekyokebwa, ghalala n'abakungu aba Moabu. Balaki yaamubuuza ati: “Musengwa akobye ki?”

Matayo 26:63

Aye Yesu yaasirika busirike. Agho Omukulu wa Bakabona yaamukoba ati: “Mu ga Katonda omulamu, tukobere oba nga niiwe Kurisito Omwana wa Katonda.”

Ruthi 1:17

Mu kifo mw'olifiira zeena mwe ndifiira, era eyo ye balinziika. Musengwa Katonda ampanga ekibonerezo ekisembayo kuba kibi, bwenganhanga ekintu kyonakyona ni kintoola ku iwe, ni bwe kuliba okufa.”

1 Samueli 14:44

Saulo yaamukoba ati: “Katonda agwananga yambonereza n'obukambwe, bw'otaitibwe iwe Yonathani.”

1 Samueli 20:13

Aye lata wange bw'anaaba ng'ali kwenda kukukola kabi, memale ni ntakumanhisaaku era ni ntakuyamba kulumuka kwewonia, Musengwa Katonda agwananga yandhita. Nsaba Musengwa Katonda oyo abenga n'iwe, nga bw'abairenga aba ni lata wange!

1 Samueli 25:22

Katonda agwananga yambonereza n'obukambwe, bwe bunaakya enkyo nga nkaaleseegho omuntu omulamu ayetebwa omusaadha, ku bantu be boonaboona b'ali nabo.”

1 Samueli 3:16

Aye Eli yaamweta ati: “Mwana wange, Samueli.” Samueli yaavugira ati: “Wangi isebo.”