1 Samueli 3:14 - Baibuli Ekibono kya Katonda 2014

¹⁴ Olw'ekyo neerayiriire eri endhu ya Eli, nti mu byanda byonabyona ebiriiragho, ezira musengo oba kigheebwayo kirisobola kubatoolaku kibi kyaibwe ekyo.”

1 Samueli 3:14 ပူးပေါင်းရင်းမြစ်များ

Zabbuli 51:16

Emisengo tineegikusangaaza ni bwenandigighaireyo; ni bwenandighaireyo ebigheebwayo ebyokebwa, tineebikusanhusa.

Isaia 22:14

Musengwa Katonda Afuga Amagye yankoba ati: “Bwenebwene ekibi ekyo tija kukibasonigha okutuusa lwe mulifa.” Musengwa Katonda oyo Afuga Amagye atyo bw'akoba.

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yeremia 7:16

Musengwa Katonda yaakoba ati: “Iwe Yeremia, otadaaga kusabira bantu bano. Era otandirira ku lwaibwe waire okunsaba ng'obeewolereza, kuba tiidha kukuwulirisa.

Ezekieli 24:13

Yerusalemu, obutalaivu obwo n'obwo obwenzi bwo bw'okola. Era olw'okuba nafuba inho okukulongoosa aye nga tosobola kulongooka n'owaamu ikoodera, toliiramu kabiri kulongooka okutuusa lwe ndikumaliraku obusungu bwange.

Abalevi 15:31

Musengwa Katonda yaakoba Musa ni Aaroni ati: “Kale ni mutyo bwe munaalabulanga Abaisiraeli ku butali bulongoofu bwaibwe, balobe kufa olw'okwonoona Eweema yange ebalimu ghagati.”

1 Samueli 2:25

Omuntu bw'asobya ye muntu mwine, Katonda amutabagania n'omuntu oyo, aye omuntu bw'asobya ye Musengwa Katonda, naani asobola okumuwolereza?” Aye tibaawulirisa iseibwe bye yabakoba kuba Musengwa Katonda yali amaze okusalagho okubaita.