1 Samueli 3:13 - Baibuli Ekibono kya Katonda 2014

¹³ Era nakobera Eli oyo nti nja kubonereza ab'endhu ye ebyanda n'ebyanda, olw'ebibi bye yamanha obukalamu kuba batabane be baavuma Katonda aye yaaloba kubaloberanga.

1 Samueli 3:13 ပူးပေါင်းရင်းမြစ်များ

1 Bakyabazinga 1:6

Lata we Daudi, yali nga tamuneniangaku mu kintu kyonakyona. Adoniya oyo yali mulungi mu mboneka ye, era nga ni muto wa Abusalomu amwiraku.

1 Bakyabazinga 2:44

Kyabazinga era yaakoba Shimei ati: “Oidhi bukalamu mu mwoyo gwo ebibi byonabyona bye wakola lata wange Daudi. Kale Musengwa Katonda ky'anaava n'akubonereza.

2 Ebyomubyanda 20:12

Wo Katonda waife, babonereze, kuba ife tuzira maani ga kulwanisa igye inene lino eritulumbye. Titwidhi kya kukola, aye tulingiriire ku iwe.”

Ensambo 19:18

Kangaivula omwana wo nga ghakaaligho eisuubi ery'okumugolola, otamuleka kuzikirira.

Ensambo 29:15

Okukangaivula n'okunenia byegeresa, aye omwana alekebwa agho atyo n'atakobwaku, aswaza omuzaire we.

Omulangirizi 7:22

kuba okiidhi bukalamu nga iwe weena, emikuzi kamaala oyogera ebibi ku bantu abandi.

Ezekieli 18:30

“Nze Musengwa Katonda ndi kubakobera imwe Abaisiraeli, nti ndisalira buli muntu ku imwe omusango nga njiira ku bikolwa bye. Mwenenie mukyuke muve mu bibi byaimwe byonabyona, olwo ebibi byaimwe ebyo lwe bitaabaviiremu kuzikirira.

Ezekieli 7:3

“Imwe Abaisiraeli, enkomerero ebatuuseeku. Nja kubamaliraku obusungu bwange, mbasalire omusango nga njiira ku ebyo bye mwakola, era mbabonereze olw'ebibi byonabyona ebyenhinhalwa bye mwakola.

Yoeli 3:12

“Abantu ab'amaghanga ka basitukiremu, baje mu Kiiko kya Yehoshafati; kuba eyo nze Musengwa Katonda ye ndityama okulamula amaghanga goonagoona ageezungulwire agho.

Matayo 10:37

“Oyo agonza lata we oba inhina okusinga nze, tangwanira, n'oyo agonza mutabane oba mughala we okusinga nze, tangwanira.

Amateeka Agokubiri 17:12

Omuntu yeenayeena aneekuluntazanga, n'atawulira mulamuzi oba kabona ali eyo mu luwalo olw'okugheereza mu maiso ga Musengwa Katonda, aidha kwitibwanga bwitibwe mu nsambo eyo mwidha kwetoolangaku ekibi ekyo mu Isiraeli.

Amateeka Agokubiri 21:18

“Abazaire basobola okuba ni mutabane waibwe ow'empwitu era omudheemu, atagondera ise oba inhina, era nga ni bwe bamubonereza taganha kubawulira.

1 Yoanne 3:20

Buli emyoyo gyaife lwe gitulumiriza, tumanha nga Katonda n'asinga emyoyo gyaife era ng'aidhi buli kintu.

1 Samueli 2:12

Batabane ba Eli baali abantu abazira kye bagasa, nga tibaisaayo mwoyo ku Musengwa Katonda.

1 Samueli 2:17

Kale, ekibi eky'abaisuka abo kyaba kinene inho mu maiso ga Musengwa Katonda kuba ebigheebwayo eri Musengwa Katonda tibaabitangamu kinhagansi.