1 Samueli 3:11 - Baibuli Ekibono kya Katonda 2014

¹¹ Agho Musengwa Katonda yaakoba Samueli ati: “Bona eno, ndi kumpi okukola ekintu mu Isiraeli muno, ekiriwaawaaza amatu ga buli muntu alikiwulira.

1 Samueli 3:11 ပူးပေါင်းရင်းမြစ်များ

2 Bakyabazinga 21:12

N'olw'ekyo nze Musengwa Katonda wa Isiraeli, nkoba nti, ndidha kuleeta akabi ku Yerusalemu ni ku Buyudaaya, kiisi anaakawulirangaku amatu ge gamuwaawaalenga buwaawaale.

Yobu 41:9

Okugibona obubone, omuntu awaamu amaani, yaagwa ghansi ku itaka.

Isaia 28:19

Akabi ako buli lwe kalibitanga, kalibakubanga. Kalibitanga omusana n'obwire. Era buli bukwenda obulivanga ye Katonda, bulyongeranga kubaleetera kutya.

Isaia 29:14

Kale ni ndikola mu bantu bano ebyewuunhisa n'ebyewuninkiriza. Ndizikiriza amagezi g'abagezi, era naamaliragho irala okumanha okw'abeegerese.”

Yeremia 19:3

Oidha kubakoba oti, ‘Imwe bakyabazinga ab'omu Buyudaaya n'imwe abantu ab'omu Yerusalemu, mumpulirise nze Musengwa Katonda Afuga Amagye era Katonda wa Isiraeli. Nja kuleeta ku kifo kino akabi nga kiisi akawuliraku, amatu ge gamuwaawaala buwaawaale.

Habakkuku 1:5

Agho Musengwa Katonda yaakoba abantu be ati: “Mulingirire amaghanga agabeezungulwire, era mwidha kubona ebinaabeewuunhisa ni bibasamaaliriza. Kuba nja kukola ekintu kye mutaghanga kwikiriza nga bakibakobeire bukobere.

Luka 21:26

Abantu balizirikaku olw'okutya nga balinda ebyo ebiri kwidha ku nsi, kuba amaani ag'omu igulu galitengeesebwa.

Ebikolwa by'Abatume 13:41

‘Mubone eno imwe abanhoomi, mwewuunhie era muzikirire! Kuba nkola omulimo mu biseera byaimwe, omulimo gwe mutaliikiriza, waire nga ghaligho agubainhonhola.’”

1 Samueli 3:10

Agho Musengwa Katonda yaidha yaayemerera agho, yaayeta nga bwe yakola ku mikuzi gire egindi, ati: “Samueli, Samueli.” Samueli yaamukoba ati: “Musengwa Katonda yogera, omwiru wo ali kuwulira.”

1 Samueli 4:10

Kale Abafilisiti baalwana era baaghangula Abaisiraeli. Abaisiraeli baalumuka, buli muntu yairayo mu maka ge. Era abantu abaitibwa baali kamaala inho, kuba abalwani b'Abaisiraeli ab'oku bigere baafaamu emitwalo esatu (30,000).