1 Samueli 29:6 - Baibuli Ekibono kya Katonda 2014

⁶ Agho Akishi yaayeta Daudi yaamukoba ati: “Ndayira mu Musengwa Katonda omulamu nti obaire mwesigwa ye ndi. Era nze mbona nga kyandibaire kikalamu okuja ninze mu lutalo luno, kuba tikuboinemu kisobyo kyonakyona kasookanga oidha ye ndi okutuusa ni ye buli eno. Aye abafuzi bale abandi tibali kwenda oje n'ife.

1 Samueli 29:6 ပူးပေါင်းရင်းမြစ်များ

Amainhama 16:6

Aye Aburamu yaakoba Sarai ati: “Bona, omwiru wo omukazi ali mu buyinza bwo, mukole nga bw'oyenda.” Agho Sarai yaabisa bubi inho Hagari, era Hagari yaamulumukaku.

2 Samueli 3:25

Oidhi bukalamu nga Abuneri mutabane wa Neri aidhie kukuguya, na kubona byonabyona by'okola n'eyo yoonayoona y'otambulira.”

2 Bakyabazinga 19:27

Aye ndidhi byonabyona ebikufaaku, ndidhi buli ky'okola, naamanha na buli y'oja, era naamanha nga bw'oneedundeekezaaku.

Zabbuli 121:8

Musengwa Katonda aja kukukuumanga ng'ofuluma era akukuumenga ng'oingira, okuva buti n'okweyongerayo ebyanda n'ebyanda.

Isaia 37:28

Aye ndidhi byonabyona ebikufaaku, ndidhi buli ky'okola, naamanha na buli y'oja, era naamanha nga bw'oneedundeekezaaku.

Isaia 65:16

Olwo kyaba nti, ole bw'aneesabiranga okugheebwa enkabi, enkabi edho aidha kudhisabanga nze Katonda ow'amazima. N'ole bw'anaalayiranga, aidha kulayiranga nze Katonda ow'amazima kuba ebizibu ebyabita biriwaagho byerabirwa, naaba nga tikaabifaaku naire.

Yeremia 12:16

Ate bwebalyega empisa dh'abantu bange n'omwoyo omulala, ni balayiranga mu liina lyange bati, ‘Nga Musengwa Katonda bw'ali omulamu,’ nga bwe baayegeresa abantu bange okulayiranga omusambwa Baali, olwo boona baliba bantu bange, n'ebintu biribajiiranga bukalamu.

Okubala 27:17

Omuntu aidha okubakulemberangamu era abakuumenga mu buli kye banaakolanga. Olwo abantu bo abo, iwe Musengwa Katonda, balobe kubanga ng'oti n'entaama edhiziraku mwayi.”

Matayo 5:16

Ekimulika kyaimwe kyakire abantu kityo, babone ebikolwa byaimwe ebikalamu, baghe Iseimwe ow'omu igulu ekitiisa.

Amateeka Agokubiri 10:20

Mutyenga Musengwa Katonda waimwe, era yenka ye mube musinzenga. Mubenga beesigwa y'ali, era eriina lye lyonka, lye mube mulayirenga.

Yoshua 22:30

Finehasi kabona n'abasaadha bale eikumi abakulu ab'ebika be yali nabo, bwe baawulira okwinhonhola okw'Abareubeni, n'Abagadi, n'Abamanasse ab'e buvandhuba, baikiriza.

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.

1 Petero 3:16

Mubenga baamufu mu myoyo gyaimwe, olwo muswazenga abo ababavuma n'ababoogeraku obubi ku mpisa dhaimwe enkalamu edh'Obukurisito.

1 Samueli 20:3

Aye Daudi yaamukoba ati: “Lata wo akiidhi bukalamu nga iwe ongonza inho, kale yaakoba mule ati, ‘Kino Yonathani atakimanha, alobe kuwulira nnaku ku mwoyo mbitirivu.’ Aye nkulayirira mu Musengwa Katonda omulamu nti nsigaizaayo kaseera buseera nfe.”

1 Samueli 28:10

Aye Saulo yaamulayirira mu Musengwa Katonda, ng'akoba ati: “Nga Musengwa Katonda bw'ali omulamu ezira kibonerezo kija kukutuukaku olw'okukola kye ndi kukukoba.”

1 Samueli 29:3

Abaduumizi b'Abafilisiti baabuuza bati: “Bano Abaheburayi bakola ki ghano?” Akishi yaakobera abaduumizi abo ati: “Ono ni Daudi omugheereza wa Saulo kyabazinga wa Isiraeli. Abaire ninze okumala entangama nnene, era kasookanga alumuka ku musengwa we n'aidha ye ndi, timubonangamu kisobyo kyonakyona ni ye buli eno.”

1 Samueli 29:7

Kale buti irayo mu miraala, olobe kusungughaza bafuzi ba Bafilisiti abo.”

1 Samueli 5:8

Kale baatuma abakwenda, baayeta abafuzi ab'Abafilisiti boonaboona. Agho baababuuza bati: “Esanduuku ey'Endagaano ya Katonda wa Isiraeli tugikolere ki?” Bale bairamu bati: “Etwalibwe e Gathi.” Kale baatwala Esanduuku ey'Endagaano ya Katonda e Gathi.