1 Samueli 29:4 - Baibuli Ekibono kya Katonda 2014

⁴ Aye abaduumizi abo baasungughalira Akishi era baamukoba bati: “Koba omusaadha wo oyo aireyo abe mu kifo kye wamugha. Taidha kuja n'ife mu lutalo, tiikulwa ng'atuuka mu lutalo yaafuuka omuzigu waife. Ghazira kisobola kumutabagania na musengwa we mangu, ekisinga emitwe egy'abasaadha baife ng'abaise.

1 Samueli 29:4 ပူးပေါင်းရင်းမြစ်များ

1 Ebyomubyanda 12:19

Abandi ku balwani ab'omu kika kya Manasse baira ku luuyi lwa Daudi, bweyali ng'ali kujiira ghalala n'Abafilisiti mu lutalo okulwanisa Saulo. Aye ate Daudi tiyamala n'abeera Bafilisiti abo, kuba abakungu baibwe baamala beeteesaamu, baasalagho okumulobera baamukoba aireyo, nga bakoba: “Tomanha bw'atughaayo eri musengwa we Saulo, ni batutemaku mitwe.”

1 Ebyomubyanda 12:20

Daudi bweyali ng'airayo e Zikulaga, bano n'ab'omu kika kya Manasse abaira ku luuyi lwe: Adana, Yozabadi, Yediaeli, Mikaeli, Yozabadi, Elihu, ni Zillethai. Abo baalinga baduumizi ba bikunsu bya baisirukale lukumi lukumi mu igye ly'Abamanasse.

Okuvaayo 1:10

Tuteekwa okubasalira amagezi aganaabasobola balobe kweyongera mu bungi, kuba bwe ghaidhagho olutalo basobola okweyimba ku bazigu baife, baatulwanisa era baalumuka mu Misiri.”

Luka 16:8

“Kale musengwa yaasaaka omughanika oyo atali mwesimbu olw'amagezi ge yasala kuba abaana ab'ensi eno bagezigezi mu ngeri ye bakolaganamu n'ab'oluse lwaibwe okusinga abaana ab'omusana.

1 Samueli 14:21

Ghaaligho Abaheburayi abaali nga bali ku luuyi olw'Abafilisiti, era nga baaja nabo mu kifo ghe baasimba weema dhaibwe. Abo boona baakyuka, beeyimba ku Baisiraeli banaibwe abaali ni Saulo ni Yonathani.

1 Samueli 27:6

Kale ku lunaku olwo, Akishi yaagha Daudi ekibuga Zikulaga. Era ekibuga ekyo kyasigala nga kya bakyabazinga ba Buyudaaya ni ye buli eno.

1 Samueli 29:9

Akishi yaamwiramu ati: “Ndidhi nti mu maiso gange oziraku musango gwonagwona ng'oti malaika wa Katonda. Aye abaduumizi b'Abafilisiti bakobye bati, ‘Taidha kuja n'ife mu lutalo’.

1 Samueli 30:1

Agho Daudi n'abasaadha be baatuuka e Zikulaga ku lunaku olwokusatu. Baayagaana nga Abamaleki balumbye ekiketezo kya Buyudaaya ekikalukalu ku luuyi olw'omukono omusaadha olw'e buvandhuba, era nga balumbye n'ekibuga Zikulaga baakighangula, baakyokya omuliro.