1 Samueli 29:3 - Baibuli Ekibono kya Katonda 2014

³ Abaduumizi b'Abafilisiti baabuuza bati: “Bano Abaheburayi bakola ki ghano?” Akishi yaakobera abaduumizi abo ati: “Ono ni Daudi omugheereza wa Saulo kyabazinga wa Isiraeli. Abaire ninze okumala entangama nnene, era kasookanga alumuka ku musengwa we n'aidha ye ndi, timubonangamu kisobyo kyonakyona ni ye buli eno.”

1 Samueli 29:3 ပူးပေါင်းရင်းမြစ်များ

Amainhama 14:13

Aye omuntu eyawonagho yaidha yaakobera byonabyona Aburamu, Omuheburayi eyali ng'aba kumpi n'emiti gya Mamure Omuamori. Mamure ono ni baganda be, Esikoli ni Aneri, baali ba mukago n'Aburamu.

1 Ebyomubyanda 12:19

Abandi ku balwani ab'omu kika kya Manasse baira ku luuyi lwa Daudi, bweyali ng'ali kujiira ghalala n'Abafilisiti mu lutalo okulwanisa Saulo. Aye ate Daudi tiyamala n'abeera Bafilisiti abo, kuba abakungu baibwe baamala beeteesaamu, baasalagho okumulobera baamukoba aireyo, nga bakoba: “Tomanha bw'atughaayo eri musengwa we Saulo, ni batutemaku mitwe.”

1 Ebyomubyanda 12:20

Daudi bweyali ng'airayo e Zikulaga, bano n'ab'omu kika kya Manasse abaira ku luuyi lwe: Adana, Yozabadi, Yediaeli, Mikaeli, Yozabadi, Elihu, ni Zillethai. Abo baalinga baduumizi ba bikunsu bya baisirukale lukumi lukumi mu igye ly'Abamanasse.

Danieli 6:5

Agho abasaadha abo, owundi yaakobanga baine ati: “Bana, tituja kufuna kya kwemuluguunhia ku Danieli, okutoolaku nga kigema ku mateeka ga Katonda we.”

Yoanne 19:6

Bakabona Abakulu n'abakuumi bwe baamubona baayasiikana bati: “Mukomerere ku musalaba! Mukomerere ku musalaba!” Pilato yaabakoba ati: “Imwe mumutwale mumukomerere ku musalaba, kuba nze tibona musango gw'aiziiza.”

Ab'e Roma 12:17

Mutasasulanga kibi na kibi, aye mukolenga ekyo abantu kye babona nga kikalamu.

1 Petero 3:16

Mubenga baamufu mu myoyo gyaimwe, olwo muswazenga abo ababavuma n'ababoogeraku obubi ku mpisa dhaimwe enkalamu edh'Obukurisito.

1 Samueli 14:11

Kale bombi beeyoleka eri enkambi ey'abalwani Abafilisiti. Abafilisiti baakoba bati: “Mubone, Abaheburayi bali kuvaayo mu biina mwe baali beegisiisa.”

1 Samueli 25:28

Nkweghembye nsonigha nze omugheereza wo omukazi bye nsobiiza. Bwenebwene Musengwa Katonda aidha kukugha obwakyabazinga obutaja kuvaagho, kuba, iwe musengwa wange, niiwe olwana entalo dha Musengwa Katonda oyo. Era tibalikwagaanamu kibi, obulamu bwo bwonabwona.

1 Samueli 27:1

Agho Daudi yaakoba mule ati: “Luliba lulala Saulo yandhita. Ekisingaku obulungi, n'okulumukira mu nsi y'Abafilisiti. Olwo Saulo aidha kulekera agho okuunoonia mu Isiraeli, mbe n'emiraala.”

1 Samueli 27:7

Daudi yaaba mu nsi y'Abafilisiti okumala omwaka mulala n'emyezi ena.

1 Samueli 29:6

Agho Akishi yaayeta Daudi yaamukoba ati: “Ndayira mu Musengwa Katonda omulamu nti obaire mwesigwa ye ndi. Era nze mbona nga kyandibaire kikalamu okuja ninze mu lutalo luno, kuba tikuboinemu kisobyo kyonakyona kasookanga oidha ye ndi okutuusa ni ye buli eno. Aye abafuzi bale abandi tibali kwenda oje n'ife.

1 Samueli 4:6

Abafilisiti bwe baawulira okukuba emizira okw'amaani kutyo, beebuuzagania bati: “Okukuba emizira okw'amaani okwo okuli mu Baisiraeli kutegeeza ki?” Era bwe baakitegeera bati Sanduuku ey'Endagaano ya Musengwa Katonda n'eyali etuuse mu kifo Abaisiraeli ghe baasimba weema dhaibwe,