1 Samueli 29:2 - Baibuli Ekibono kya Katonda 2014

² Abafuzi b'Abafilisiti bwe baabitagho n'ebikunsu byaibwe eby'abasaadha olukumi olukumi n'eby'ekikumi ekikumi, Daudi n'abasaadha be ghalala ni Akishi, boona baabitagho nga n'abasembyeyo.

1 Samueli 29:2 ပူးပေါင်းရင်းမြစ်များ

1 Ebyomubyanda 12:19

Abandi ku balwani ab'omu kika kya Manasse baira ku luuyi lwa Daudi, bweyali ng'ali kujiira ghalala n'Abafilisiti mu lutalo okulwanisa Saulo. Aye ate Daudi tiyamala n'abeera Bafilisiti abo, kuba abakungu baibwe baamala beeteesaamu, baasalagho okumulobera baamukoba aireyo, nga bakoba: “Tomanha bw'atughaayo eri musengwa we Saulo, ni batutemaku mitwe.”

Okubala 10:25

Agho ab'ebendera ey'ekikunsu eky'ekika kya Dani, abaasembayo einhuma w'ebikunsu byonabyona, batoolera okutambula nga boona bali mu bikunsu byaibwe. Ahiezeri mutabane wa Ammishaddai nga n'ali kubakulembera. Abo nga n'abakola ng'abakuumi b'ebikunsu byonabyona nga babiva einhuma.

Yoshua 13:3

Ekiketezo kino, kiva ku mwiga Shihori, oguli e buvandhuba wa Misiri okwira ku luuyi olw'omukono omugooda olw'e buvandhuba, okutuuka ku nsalosalo ni Ekuroni. Era kitwalibwa ng'eky'Abakanaani, era nga kirimu abafuzi bataanu ow'e Gaza, ow'e Ashidodi, ow'e Ashikeloni, ow'e Gathi n'ow'e Ekuroni. Ekiketezo ekindi n'eky'e Avvimu

1 Samueli 6:4

Abafilisiti baababuuza bati: “Kigheebwayo ki kye tunaamugheereza ng'omutango?” Baabairamu bati: “Ebiwumbe ebya zaabu bitaanu ebifaanana ng'oti bizimba, n'ebiwumbe ebindi ebya zaabu bitaanu ebifaanana ng'oti mpube, nga mujiira ku bungi obw'abafuzi Abafilisiti kuba ekibamba Katonda kye yasindika ku imwe mwenamwena, n'ekirala ekyo kye yasindika ni ku bafuzi baimwe.