1 Samueli 28:8 - Baibuli Ekibono kya Katonda 2014

⁸ Kale Saulo yeefuusafuusa, yaavaala ebivaalo ebindi. Yaaja n'abasaadha be babiri eri omukazi oyo ng'obwire buzibye, yaamukoba ati: “Ndagula eri emizimu era ondhetere omuzimu ogw'omuntu ye nnaakoba eriina.”

1 Samueli 28:8 ပူးပေါင်းရင်းမြစ်များ

1 Bakyabazinga 22:30

Ahabu yaakoba Yehoshafati ati: “Nze ndidha kuja mu lutalo nga neefuusiisafuusiisa ng'oti ndi muntu wundi, aye iwe oidha kuvaala ebivaalo byo eby'obwakyabazinga.” Kale baaja mu lutalo, nga kyabazinga wa Isiraeli yeefuusiisafuusiisa.

1 Bakyabazinga 22:34

Agho ghaabaagho omwisirukale Omusiria eyalasa akalaso ke eyo atyo, aye yaagemya kyabazinga wa Isiraeli, agho ekivaalo kye eky'omu lutalo eky'ekyuma ghe kyegaitira mu kifuba. Kyabazinga yaakoba omuvuzi w'ekigaali kye eky'omu lutalo ati: “Kyusa ekigaali ontoole mu lutalo, kuba banfumiite.”

1 Ebyomubyanda 10:13

Kale Saulo yaafa atyo, olw'obutaba mwesigwa eri Musengwa Katonda. Yaloba okukola ebyo Musengwa Katonda bye yamulagira, yaira mu kweraguza ku basamize,

2 Ebyomubyanda 18:29

Ahabu yaakoba Yehoshafati ati: “Nze ndidha kuja mu lutalo nga neefuusiisafuusiisa ng'oti ndi muntu wundi, aye iwe oidha kuvaala ebivaalo byo eby'obwakyabazinga.” Kale baaja mu lutalo, nga kyabazinga wa Isiraeli yeefuusiisafuusiisa.

2 Ebyomubyanda 35:22

Aye era Yosia yaaloba kubivaaku naire, yaaloba kuwulirisa Katonda bye yayogera ng'abita mu Neko. Kale yeefuusafuusa era yaaja okulwana olutalo mu kiketezo eky'oku museetwe e Megiddo.

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Yeremia 23:24

Ghazira muntu asobola kwegisa ghe ntasobola kumubona. Timwidhi nga ndi buli ghantu, mu igulu ni mu nsi?

Ezekieli 12:6

Olwo obibbeedere ku ibega, ofulume mu nzikiiza nga bakubona, oje nga weeghembye mu maiso nga tobona y'oja. Ebyo byonabyona biidha kuba kamanhiso ak'okulabula Abaisiraeli.”

Yoanne 3:19

Guno n'omusango: Ekimuliikirira kyaidha mu nsi, aye abantu baagonza enzikiiza mu kifo ky'okugonza ekimuliikirira olw'okuba ebikolwa byaibwe bibi.