1 Samueli 28:4 - Baibuli Ekibono kya Katonda 2014

⁴ Agho Abafilisiti beesoloza, baaja baasimba weema dhaibwe e Shunemu. Saulo yaasoloza Abaisiraeli boonaboona, baaja baasimba weema dhaibwe e Giliboa.

1 Samueli 28:4 ပူးပေါင်းရင်းမြစ်များ

2 Samueli 1:21

“Imwe ensozi edh'e Giliboa, mugwananga mwaloba kugwaku maadhi waire omusulo obusulo, oba waire amasamba gaimwe okuvaamu ebikungulwa; kuba ku imwe, engabo edh'ab'amaani kwe dhaayonoonerwa, engabo ya Saulo baalekera okugisiiga omuzigo.

2 Samueli 1:6

Omwisuka oyo yairamu ati: “Neeyagaine nga ndi ku lusozi Giliboa. Okuja okulinga nti, nga mbona Saulo yeesiire ku ifumo lye. Era okuja okulinga nti, nga mbona ebigaali eby'omu lutalo n'abalwani ab'oku mbalaasi nga bali kumwidhira.

2 Samueli 21:12

Daudi yaaja yaatoola amagumba ga Saulo n'aga Yonathani mutabane wa Saulo oyo, ku bantu ab'e Yabeshi eky'omu Gileadi. Abantu ab'e Yabeshi abo baali nga baibye amagumba ago mu luya olw'ekibuga Bethi Shani, Abafilisiti ye baabaghanika ni babalengeedhia ku lunaku lwe baabaitiraku ku lusozi Giliboa.

1 Bakyabazinga 1:3

Agho baayagala mu Isiraeli mwonamwona omughala aboneka obulungi, era baazuula Abishagi Omushunami, baamuleetera kyabazinga.

2 Bakyabazinga 4:8

Lwali lulala, Elisha yaaja e Shunemu. Eyo e Shunemu yaliyo omukazi omukombe, yaamwegayirira alye ku mere mu maka ge. Era okuva ku olwo, Elisha buli lwe yabitanga oluuyi olwo, ng'aja yaalya emere mu maka ago.

Yoshua 19:18

Era ekiketezo kye baafuna nga kizingiramu ebibuga bino: Yezireeli, Kesullothi, Shunemu,

1 Samueli 28:5

Saulo bwe yabona eigye erya Abafilisiti, yaatya yaadhugumira inho.

1 Samueli 31:1

Agho Abafilisiti baalwanisa Abaisiraeli. Abaisiraeli abo baalumuka, era kamaala baitirwa ku lusozi Giliboa.

1 Samueli 31:8

Enkyo ku lunaku olwairirira ng'olutalo luwoire, Abafilisiti bwe baidha okutoola ebivaalo ku mirambo, baayagaana nga Saulo ni batabane be abasatu baagwire ku lusozi Giliboa.