1 Samueli 28:16 - Baibuli Ekibono kya Katonda 2014

¹⁶ Agho Samueli yaamukoba ati: “Memale lwaki obuuza nze, oba nga Musengwa Katonda akulekuliire agho era ng'afuuse muzigu wo?

1 Samueli 28:16 ပူးပေါင်းရင်းမြစ်များ

2 Bakyabazinga 6:27

Kyabazinga yaamwiramu ati: “Musengwa Katonda mwene bw'ataakuyambe, nze nnaatoola gha eby'okukuyamba, ate nga zeena mu kifo aghakubirwa engaano nzirayo ka kulya, waire mu kikunhiro eky'omwenge gw'emizabbibu okubaayo n'ak'okunhwa?”

Okulira 2:4

Yadhuumuula akalaso ke n'omukono gwe omusaadha, yaakabalinzaamu ng'oti muzigu waibwe. Yaita abo boonaboona abaabeeyagazanga. Obusungu bwe bwabookya ng'oti muliro.

Okulira 2:5

Musengwa yafuuka ng'oti muzigu wa Baisiraeli yaabazikiriza; yaazikiriza ebisaagaati eby'abakungu byonabyona era yaamenhamenha ebifo eby'okwewogomamu byafuuka bifulukwa byereere. Yaaleetera okulira mu Bayudaaya okweyongera.

Okwolekebwa 18:20

Imwe mwenamwena abali mu igulu musagambe, kuba azikiriziibwa! N'imwe abatuukirivu, n'abatume, n'abalanzi musagambe! Kuba Katonda amusaliire omusango gwamusinga olw'ebyo bye yabakola.”

Okwolekebwa 18:24

Mu oyo n'omwayagaanibwa omusaayi ogw'abalanzi, n'ogw'abatuukirivu, n'ogwa abantu boonaboona abaitibwa ku nsi.

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.

1 Samueli 28:15

Samueli yaabuuza Saulo ati: “Lwaki ontabwiretabwire n'ontoola e magombe?” Saulo yaamwiramu ati: “Ndi mu buzibu obutaloodheka! Abafilisiti bantanwireku olutalo, ate Katonda andekuliire agho, yaaloba okundhiramu, ni bwe kuba okubita mu balanzi oba mu birooto. Kyenviire ni nkweta onkobere kye mbe nkole.”

1 Samueli 28:17

Musengwa Katonda oyo akoze kye yakukoba ng'abita mu nze. Akutoireku obwakyabazinga yaabugha mwino Daudi,