1 Samueli 27:9 - Baibuli Ekibono kya Katonda 2014

⁹ Daudi yaalumbanga ekiketezo ekyo, yaalobanga kulekagho musaadha waire omukazi nga mulamu. Era yaanhaganga entaama, n'ente, n'endogoyi, n'engamiya, n'ebivaalo, memale yairangayo ye Akishi.

1 Samueli 27:9 ပူးပေါင်းရင်းမြစ်များ

Amainhama 16:7

Malaika wa Musengwa Katonda yaayagaana Hagari mu irungu, ng'ali ku nsulo eri ku ngira eja e Shuri.

Amainhama 25:18

Baidhukulu ba Ishimaeli baabanga mu kiketezo ekiri ghagati gha Havila ni Shuri, e buvandhuba bwa Misiri, ng'oja mu Assiria. Baabanga eyo nga beeswireku akata ku baidhukulu ba Aburahamu abandi.

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Okuvaayo 15:22

Agho Musa yaalagira Abaisiraeli batambule bave agho ku Nhandha Emyufu beeyongereyo mu irungu eryetebwa Shura. Baatambulira enaku isatu mu irungu nga tibatuukaku ghali maadhi.

Yoshua 6:21

Baatoolera okwita buli muntu ye baayagaanamu nga bakozesa empiima dhe baali nadho: abasaadha n'abakazi, abakulu n'abato. Era baita n'ente, n'entaama, n'endogoyi.

1 Samueli 15:3

Mpegaano ja oite Abamaleki, era ozikirize ni bye bali nabyo byonabyona. Ghatabaagho y'osaasira, aye baite boonaboona: abasaadha n'abakazi, abaana abato n'abayonka, era oite n'ente, n'entaama, n'engamiya, n'endogoyi.’ ”

1 Samueli 15:7

Saulo yaaghangula Abamaleki okuviira irala e Havila okutuuka e Shuri, ekiri e buvandhuba wa Misiri.

1 Samueli 15:8

Yaatwala Agagi, kyabazinga w'Abamaleki, nga mulamu, yaazikiriza abantu boonaboona okubamalagho.