1 Samueli 26:7 - Baibuli Ekibono kya Katonda 2014

⁷ Kale Daudi ni Abishai baaja mu igye lya Saulo, baayagaana nga Saulo atendwike munda mu kifo ghe baasimba weema, ng'asimbye eifumo lye mu itaka gha mutwe gwe. Abuneri n'abalwani baali balambaire okwezunguluza Saulo.

1 Samueli 26:7 ပူးပေါင်းရင်းမြစ်များ

Amainhama 45:19

Era balagire oti, ‘Mukole muti: Bwe munaaba nga muva ghano mu Misiri, muje n'ebigaali eby'okutambuliraku okwo kwe mulireetera abaana baimwe abato ni bakazi baimwe, era mwidhe n'iseimwe.

1 Samueli 17:20

Daudi yaasitukagho ku nkyo, entaama yaadhirekera omuntu anaadhirabirira, yaatwala eby'okulya nga Yesse bwe yamulagira. Yaatuuka mu kifo Abaisiraeli ghe baasimba weema dhaibwe, ng'eigye liri kufuluma okuja okulwana, eno nga bwe lyemba enhembo edh'omu lutalo.

1 Samueli 26:6

Daudi yaakoba Ahimeleki Omuhitti, ni Abishai muganda wa Yoabu era Mutabane Zeruia, ati: “Naani anaaja ninze ye Saulo, mu kifo ghe baasimba weema?” Abishai yaakoba ati: “Nze ndidha kuja n'iwe.”

1 Samueli 26:8

Abishai yaakoba Daudi ati: “Katonda akughaire omuzigu wo mu ngalo olwaleero. Kale ni leka mmubiseemu eifumo irala liti, lingire ni mu itaka. Tiidha kumufumita lyakubiri.”