1 Samueli 26:23 - Baibuli Ekibono kya Katonda 2014

²³ Musengwa Katonda asasula buli muntu olw'obutuufu bwe n'obwesigwa bwe. Olwaleero Musengwa Katonda oyo akumpaire mu ngalo dhange, aye nze naaloba kugalula mukono gwange kukola kabi ku oyo Musengwa Katonda ye yasiiga omuzigo.

1 Samueli 26:23 ပူးပေါင်းရင်းမြစ်များ

2 Samueli 22:21

Musengwa Katonda yansasula ng'ajiira ku butuufu bwange yampa enkabi dhe, kuba nziraku musango.

2 Samueli 22:25

Musengwa Katonda kyava n'ansasula ng'ajiira ku butuufu bwange, era ng'ajiira ku ky'okuba nti nzira musango mu maiso ge.

1 Bakyabazinga 8:32

wuliranga ng'oli eyo mu igulu era olamulenga abagheereza bo. Era bonerezanga aliku omusango nga bw'agwaniire, ate weedheerezenga aziraku musango, omusasulenga ng'ojiira ku butuufu bwe.

Nehemia 13:14

Naasaba nti: “Wo Katonda wange, oteerabiranga ebyo ebirungi bye nkoleire eisinzizo lyo, n'emirimo gye bakoleramu okukusinza.

Yobu 34:11

Kuba aja kugha kiisi muntu empeera ng'ajiira ku muntu oyo bye yakola. Alibisa kiisi muntu ng'ajiira ku muntu oyo bwe yeebisa.

Zabbuli 62:12

era ng'akoba ati atugonza obutalekera; kuba agha kiisi muntu empeera ng'ajiira ku bikolwa bye.

1 Samueli 24:11

Era lata wange kyabazinga, bwenebwene bona, akatundu k'eigemo ery'ekanzu yo ndi nako mu ngalo dhange. Kale ni, nze okusobola okusala akatundu ku igemo ly'ekanzu yo, aye ni ntakwita, okwo kw'obe omanhire nga nzira kabi ke nkwendeza oba okwenda okukudheemera. Ghazira kibi kyonakyona kye naali nkukozeeku, waire nga iwe oyiigania obulamu bwange obumalegho.

1 Samueli 24:12

Musengwa Katonda n'abe asale omusango ghagati ghange n'iwe, era n'abe akwesasuulizeeku olw'ebyo by'onkola, aye nze ku lwange nzira kibi kye ndidha kukukola.

1 Samueli 24:18

Era olwaleero oyoleike nga bw'ombisiisa obukalamu n'otandhita, ate nga Musengwa Katonda antaire mu ngalo dho.

1 Samueli 24:19

Bwenebwene muntu ki atuuka ku muzigu we, n'amuleka n'aja emiraala? Kale ni nsaba Musengwa Katonda akusasulemu ebirungi olw'ekyo ky'onkoleire olwaleero.

1 Samueli 26:11

Tikiribaagho nze okukola akabi ku muntu Musengwa Katonda ye yasiiga omuzigo! Aye toola eifumo eryo gha mutwe gwe, n'ekidoome eky'amaadhi, ife tuje.”

1 Samueli 26:22

Daudi yaamwiramu ati: “Isebantu kyabazinga, eifumo liirino. Omulala ku baisuka k'aidhe alinone

1 Samueli 26:9

Aye Daudi yaakoba Abishai ati: “Busa, otamuzikiriza, kuba naani akola akabi ku oyo Musengwa Katonda ye yasiiga omuzigo, n'atabaaku musango?”