1 Samueli 26:19 - Baibuli Ekibono kya Katonda 2014

¹⁹ Isebantu kyabazinga, mperaano ni nkweghemba owulire bye nja okukoba, nze omugheereza wo: Bw'aba nga Musengwa Katonda n'akuleeteire okundhiigania, ka mmusabe aganhe okumugha ekigheebwayo. Aye bwe baba nga bantu, abo Musengwa Katonda abakolimire kuba mperaano baaminze mu nsi ya Musengwa Katonda ey'ensikirano, bansindika mu nsi ey'endha okugheereza emisambwa!

1 Samueli 26:19 ပူးပေါင်းရင်းမြစ်များ

Amainhama 44:18

Agho Yuda yaaja aghali Yosefu, yaakoba ati: “Musengwa wange, nkweghembye nganha, nze omwiru wo ndhogereku n'iwe. Otansungughalira, kuba oli ng'oti ni kyabazinga mwene.

Amainhama 8:21

Musengwa Katonda yaawunhiza akawoowo, yaasangaala, yaakoba mule ati: “Tikairayo kukolima nsi kabiri olw'omuntu by'akola, kuba omwoyo gwe gwidhwire bubi bwereere okuva mu buto bwe. Tikairayo kabiri kuzikiriza bintu biramu byonabyona nga bwe nkoze.

2 Samueli 14:16

Aidha kuwulira kye nkoba, amponie nze oyo ayenda okutuzikiriza nze ni mutabane wange, tuve ku butaka bwaife obw'ensikirano Katonda bwe yatugha.’

2 Samueli 16:10

Aye kyabazinga Daudi yaakoba Abishai ati: “Mundeke, imwe batabane ba Zeruia. Musengwa Katonda bw'aba nga n'amukobye ati, ‘Vuma Daudi’, naani aghanga okumubuuza ati, ‘Lwaki okoze otyo?’ ”

2 Samueli 16:11

Agho Daudi yaakoba Abishai oyo n'abagheereza be boonaboona ati: “Bona eno, ate oba mutabane wange mwene ayenda kundhita, me kitasi Omubenjamini oyo! Mumuleke avume, kuba Musengwa Katonda n'amulagiire.

2 Samueli 20:19

Ninze omulala ku abo abenda emiraala era abeesigwa mu Isiraeli. Iwe oli kwenda okuzikiriza ekibuga ekizaire mu Isiraeli. Lwaki oli kwenda okusaaniagho abantu ba Musengwa Katonda?”

2 Samueli 21:3

Kale Daudi yaakoba Abagibeoni ati: “Mbakolere ki? Mutango ki gwe mbe mbaghe, memale musabire enkabi abantu ba Musengwa Katonda ababe ku bubwe?”

2 Samueli 24:1

Agho Musengwa Katonda kabiri yaasungughalira inho Abaisiraeli, yaaleetera Daudi okubatuusaaku akabi. Yaakoba Daudi ati: “Ja obale Abaisiraeli n'Abayudaaya.”

1 Bakyabazinga 22:22

“Musengwa Katonda yaagubuuza ati, ‘Mu nsambo ki?’ “Omwoyo gwamwiramu guti, ‘Ndidha kuja ndhogeze abalanzi be boonaboona eby'obuguya.’ “Musengwa Katonda yaakoba ati, ‘Oidha kusobola okumusendasenda. Kale ja okole otyo.’ ”

1 Ebyomubyanda 21:1

Agho Sitaani yaasituka okuleeta akabi ku Isiraeli, yaasendasenda Daudi okubala Abaisiraeli.

Zabbuli 120:5

Nkagwireku nze, okusenga mu bantu abali ng'oti n'ab'e Mesheki, ni mba mu bantu abali ng'oti n'ab'e Kedari!

Zabbuli 20:4

Akughe byonabyona omwoyo gwo bye gwegomba, era akubeere okutuukiriza byonabyona by'otegeike.

Ensambo 30:10

Otayogeranga kibi ku mugheereza ye musengwa we, olwo alobe kukukolimira na kukuleetera kubonerezebwa.

Isaia 60:5

Olibona ekyo waasangaala; omwoyo gwakupakukapakuka olw'eisanhu. Kuba obukombe obw'amaghanga balibukuleetera; ebintu ebingi einho baabibisa ku nhandha byafuuka bibyo.

Abalevi 26:31

ndidha kusaaniagho ebibuga byaimwe, n'ebifo mwe musinziza, ndobe na kusiimanga misengo gyaimwe.

Okubala 36:7

Obutaka obw'ensikirano obw'Abaisiraeli tibwidha kukyusibwanga kuva mu kika kino kwira mu kindi. Buli Muisiraeli aidha kukuumanga obutaka obw'ensikirano obw'ekika kya badhaadha be.

Okubala 36:9

Agho ni, ezira butaka bwa nsikirano bunaakyusibwanga kuva mu kika kire kwira mu kindi. Buli kika eky'Abaisiraeli kiidha kukuumanga obutaka bwakyo obw'ensikirano.”

Ab'e Roma 14:15

Bw'onakughaza owoluganda olw'eky'okulya, oba nga tokaakolera ku kugonza. Eky'okulya ky'olya kitaleeteranga muntu Kurisito ye yafiirira kuzikirira.

Ab'e Galatia 5:12

Abantu abo ababatabula, kye mbendeza kweketeraku irala!

Amateeka Agokubiri 13:3

mutamuwulirisanga, kuba Musengwa Katonda waimwe aidha kubanga ng'ali kubaleba bulebe, abone oba nga mumugonza n'omutima gwaimwe gwonagwona, n'omwoyo gwaimwe gwonagwona.

2 Timotheo 4:14

Alekisandero omugheesi yankola bubi inho, aye Musengwa alimwesasuulizaaku olw'ebyo bye yankola.

1 Samueli 18:10

Ku lunaku olwairirira, omuzimu omubi Katonda gwe yasindika, gwaidha ku Saulo yaatawukira mu ndhu ye. Daudi yali ali kumukubira endingidi nga bwe yakolanga buli lunaku. Saulo yali agemye eifumo.

1 Samueli 24:9

Agho Daudi yaakoba Saulo ati: “Lwaki ojiira ku bibono by'abo abakoba bati nze nhenda okukukola akabi?

1 Samueli 25:24

Yaagwa agho gha bigere bya Daudi, ng'amukoba ati: “Musengwa Katonda wange, omusango ogwo gute ku nze zenka. Era nkweghembye wulirisa nze omugheereza wo omukazi bye nja okukoba.

1 Samueli 27:1

Agho Daudi yaakoba mule ati: “Luliba lulala Saulo yandhita. Ekisingaku obulungi, n'okulumukira mu nsi y'Abafilisiti. Olwo Saulo aidha kulekera agho okuunoonia mu Isiraeli, mbe n'emiraala.”