1 Samueli 26:12 - Baibuli Ekibono kya Katonda 2014

¹² Kale Daudi yaatoola eifumo n'ekidoome eky'amaadhi ebyali gha mutwe gwa Saulo, baaja. Ghazira muntu waire omulala eyabona, oba eyamanha, waire okubaagho eyairaku engulu, kuba boonaboona Musengwa Katonda yabatendusa endoolo enhingi einho.

1 Samueli 26:12 ပူးပေါင်းရင်းမြစ်များ

Amainhama 15:12

Endhuba bweyali ng'eri kugwa, enzikiiza eri bedimudimu yaagema, endoolo enhingi einho era n'entiisa byamugema.

Amainhama 2:21

Agho Musengwa Katonda yaaleetera omuntu endoolo enhingi einho era bweyali ng'atendwike, yaamutoolamu olubavu lulala yaizaagho emamba mu kifo kyalwo.

Isaia 29:10

Musengwa Katonda abaleeteire okuwongera ng'oti n'abaja okutenduka endoolo enhingi einho. Imwe abalanzi, amaze okubaziba amaiso. N'imwe ababoni ababonekerwa, emitwe gyaimwe amaze okugighembaku.

1 Samueli 24:4

Abasaadha ba Daudi baakoba Daudi bati: “Luno n'olunaku Musengwa Katonda lwe yakukoba ati, ‘Bona eno, nja kukuta omuzigu wo mu ngalo. Olimukola kyonakyona ky'olyenda.’ ” Agho Daudi yaasituka, yeibirira, yaaja yaasala akatundu k'eigemo ku kanzu ya Saulo.

1 Samueli 26:13

Agho Daudi yaaja ku luuyi olundi, yaayemerera ghalaku ku ngulu ku lusozi, nga ghaligho eibanga inene ghagati ghe n'eigye lya Saulo.

1 Samueli 26:7

Kale Daudi ni Abishai baaja mu igye lya Saulo, baayagaana nga Saulo atendwike munda mu kifo ghe baasimba weema, ng'asimbye eifumo lye mu itaka gha mutwe gwe. Abuneri n'abalwani baali balambaire okwezunguluza Saulo.