1 Samueli 25:41 - Baibuli Ekibono kya Katonda 2014

⁴¹ Abigaili yaakuba amakiryaivu, yaakutama n'ekyeni kyatuuka ku itaka, yaakoba ati: “Nze ndi mugheereza mukazi agwaine obw'okunaaza ebigere eby'abagheereza ba musengwa wange oyo!”

1 Samueli 25:41 ပူးပေါင်းရင်းမြစ်များ

Amainhama 18:4

Ka mbaleetere ku tuudhi munaabeku ku bigere, era muwoleereku agho mu kimpombye eky'omuti.

Ensambo 15:33

Okutya Musengwa Katonda kwegeresa omuntu amagezi, era okwewombeeka n'okusooka, memale omuntu baamutaamu ekinhagansi.

Ensambo 18:12

Okwekuluntaza n'okukulembera okuzikirira, aye okwewombeeka n'okusooka memale omuntu baamutaamu ekinhagansi.

Mariko 1:7

Yayegeresa ati: “Oyo anandhiririra ansingira irala ghala obukumu era tigwanira na kukutama kusibulula busibiro bwa ngaito dhe.

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

Ruthi 2:10

Ruthi yaakuba amakiryaivu, yaakutama n'ekyeni kyatuuka ku itaka. Yaakoba Boazi ati: “Yenga oli wa kivunika! Kiviire ku ki ninze omugwira n'ombona era n'ongemerwa ekisa?”

Ruthi 2:13

Ruthi yaamwiramu ati: “Isebo ondholeike ekisa ekinene, bw'oyogeire ninze mu bibono ebindhiziizaamu amaani, waire nga tibalirwa mu bakozi bo abakazi.”

1 Samueli 25:23

Abigaili bwe yabona Daudi yaayangugha, yaava ku ndogoyi, yaakuba amakiryaivu era yaakutama n'ekyeni kyatuuka ku itaka.

1 Samueli 25:40

Abagheereza ba Daudi baaja ye Abigaili e Karumeli, baamukoba bati: “Daudi atutumye y'oli tukutwale y'ali obe mukazi we.”