1 Samueli 25:39 - Baibuli Ekibono kya Katonda 2014

³⁹ Daudi bwe yawulira nga Nabali afiire, yaakoba ati: “Musengwa Katonda asaakibwe, oyo eyeesasuliiza ku Nabali eyanvuma, era asaakibwe olw'okunkuuma nze omugheereza we ni ndoba okugwa mu kibi. Buti Musengwa Katonda oyo abonereiza Nabali olw'ekibi kye.” Agho Daudi yaayetesa Abigaili, ng'amukobya abe mukazi we.

1 Samueli 25:39 ပူးပေါင်းရင်းမြစ်များ

2 Samueli 1:16

Daudi yaakoba Omuamaleki oyo ati: “Niiwe mwene oweereeteire okufa, kuba omunwa gwo gwene n'ogughaire obudhulizi obukulumiriiza, ng'okoba oti, ‘Naita omuntu wa Musengwa Katonda eyasiigibwa omuzigo.’ ”

1 Bakyabazinga 2:44

Kyabazinga era yaakoba Shimei ati: “Oidhi bukalamu mu mwoyo gwo ebibi byonabyona bye wakola lata wange Daudi. Kale Musengwa Katonda ky'anaava n'akubonereza.

Zabbuli 7:16

Entegeka dhe edh'okukola ebibi dhimwiriraku mwene, era obukambwe bwene bw'akozesa n'obumutaaku enguma.

Zabbuli 9:5

Abatatya Katonda obasaliire omusango gwabasinga, waazikiriza abakozi b'ebibi. Ghazira aja kubaidhukira naire ebyanda n'ebyanda.

Ensambo 18:22

Omuntu afuna omukazi ow'okufumbirwa aba wa nkabi, era Musengwa Katonda amusanhukira.

Ensambo 19:14

Endhu n'eby'obukombe ebindi bisikirwa okuva ku bazaire, aye omukazi omutegeevu aba kirabo okuva ye Musengwa Katonda.

Ensambo 22:23

Kuba Musengwa Katonda aja kubalwanirira, era aja kwesimba mu abo ababatiisatiisa.

Ensambo 31:10

Naani asobola okuzuula omukazi ow'empisa enkalamu? Omukazi oyo wa mughendo okusinga ebintu ebyakolebwa mu mabaale ag'omughendo.

Ensambo 31:30

Amaiso agasikiriza galimbalimba ababoni, n'obulungi bw'omuntu buwaagho aye omukazi atya Musengwa Katonda agwaniire okusaakibwa.

Olwembo 8:8

Tuli ni mwanhinaife omuto, akaali okusunia amabeere. Tulimukolera ki bwe ghalibaagho aidha okumukobya?

Mika 7:9

Twakola ebibi eri Musengwa Katonda, kale tuli n'okugumira by'ali kutukola. Aye tikiidha kuba kiseera kireeyi, aidha kutuwolereza era atweye amaziga ge tulira olw'ebiinoino abazigu bye batukola. Aidha kutufulumya ku luya eri obutangaavu era twidha kubaagho atulokole nga tubona tuti.

2 Ab'e Korintho 13:7

Aye tusaba Katonda mulobe kukola kikyamu, ti lwa kwoleka nga bwe tutaagwa, lwe twalebwa, aye mukole ekituufu, ni bwe tuba nga tunaaboneka ng'abaagwa.

1 Ab'e Thessalonika 5:23

Tusaba Katonda mwene kutugha miraala, abatukuze mwene mu bwidhuvu era akuume emyoyo n'emibiri gyaimwe nga mikalamu. Mubuleku omusango gwonagwona Musengwa waife Yesu Kurisito lw'aliira.

2 Timotheo 4:18

Era Musengwa oyo aidha kumponia kiisi kibi kyonakyona, antuuse bukalamu mu Bwakyabazinga bwe obw'omu igulu. Agheebwenga ekitiisa ebyanda n'ebyanda. Amiina.

Abalamuzi 5:2

Musaake Musengwa Katonda, kuba abakulembeze mu Isiraeli baali bamalirivu okulwana, n'abantu beeghaayo ekyeyendere!

1 Samueli 24:15

Nsaba Musengwa Katonda asale omusango ghagati ghange n'iwe, anoonereze ensonga, ampolereze era antoole mu ngalo dho.”

1 Samueli 25:26

Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.

1 Samueli 25:32

Daudi yaakoba Abigaili ati: “Musengwa Katonda, Katonda wa Isiraeli asaakibwe, oyo akutumye olwaleero okwidha ye ndi.

1 Samueli 25:34

Nga Musengwa Katonda wa Isiraeli bw'ali omulamu, oyo andobeire okukukolaku akabi, bwenebwene ngoli toyangwighe n'oidha ye ndi, bwandijiire okukya nga ku bantu ba Nabali, tighakaaligho waire omulala ati ayetebwa omusaadha, akaali omulamu.”

1 Samueli 25:40

Abagheereza ba Daudi baaja ye Abigaili e Karumeli, baamukoba bati: “Daudi atutumye y'oli tukutwale y'ali obe mukazi we.”

1 Samueli 26:10

Daudi era yaakoba ati: “Nga Musengwa Katonda bw'ali omulamu, era mwene oyo n'alimwita entuuko dhe dhirituuka yaafa, oba alija mu lutalo yaafiira eyo.