1 Samueli 25:36 - Baibuli Ekibono kya Katonda 2014

³⁶ Abigaili yairayo ye Nabali, yaamwagaana ng'afumbye embaga ey'amaani mu ndhu ye embaga eyo ng'eri ng'oti ya kyabazinga. Yali atamiire inho era nga musangaavu inho. Kale Abigaili yaaloba kumukobera kintu kyonakyona okutuusa bwe bwakya enkyo.

1 Samueli 25:36 ပူးပေါင်းရင်းမြစ်များ

2 Samueli 13:23

Nga ghabiseegho emyaka ebiri emiramba, Abusalomu yaafuna abantu baamusalira ku ntaama dhe ebiviiri e Baali Hazori okumpi ni Efuraimu. Abusalomu oyo yaayeta batabane ba kyabazinga boonaboona ku mukolo ogwo,

2 Samueli 13:28

Agho Abusalomu yaalagira abagheereza be ati: “Mugenderere Amunoni gh'anaabeera ng'atamiire omwenge, nze ndidha kubalagira nti, ‘Mumufumite’, ng'olwo mumwita. Mutatya, kuba ninze naaba mbalagiire. Mugume emyoyo, mutabaamu ntete naire.”

2 Samueli 3:20

Abuneri yaaja ye Daudi e Heburoni n'abantu amakumi abiri, Daudi yaabakolera embaga.

1 Bakyabazinga 20:16

Baalumba mu kasana ghagati, nga Benihadadi ni bakyabazinga amakumi asatu n'ababiri abaidha okumuyambaku mu lutalo, nga bali mu ntindi bali bwa kunhwa kutamiira!

Zabbuli 112:5

Wa nkabi omuntu oyo omugabi era awola baine empiiya, n'akola buli kintu mu mazima.

Ensambo 20:1

Omuntu anhwa einho omwenge yeereetera okunhoomebwa, yaasoola era yaalwana; era ole yeenayeena atwalirizibwa omwenge aba musiru.

Omulangirizi 10:19

Okulya emere kuleetera abantu okusanhuka, n'okunhwa omwenge kwaleetera obulamu okusangaala, aye empiiya n'edhigula buli kintu.

Isaia 28:3

Okwekuluntaza okw'abakulembeze abatamiivu, alikutyankirira n'ebigere.

Isaia 5:11

Bakagwireku abo abawuuna ku nkyo okunoonia eby'okunhwa ebitamiiza, ni banhwa omwenge okuzibya obwire okutuusa lwe gubatamiiza.

Yeremia 51:57

Nditamiiza abakungu baakyo, n'abantu baakyo abagezi, n'abafuzi baakyo, n'abaduumizi baakyo ab'amagye, n'abalwani baakyo ab'amaani. Balitenduka endoolo aye baaloba kwiramu kuzuuka. Nze Kyabazinga, Musengwa Afuga Amagye, ninze nkobye.

Hosea 4:11

Musengwa Katonda akoba ati: “Omwenge omusu n'oguwoze, gumala mu bantu bange okutegeera.

Nahumu 1:10

Waire muli ng'oti n'amawa amakaadaanie, era mwaba ng'oti n'abanhwi b'omwenge abatamiire, muja kusaanagho ng'eisubi eikalu bwe limamuka n'omuliro.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Luka 14:12

Yaakoba era n'oyo eyamweta ati: “Bw'ofumbanga ekyomusana oba ekyeigulo toyetanga mikwano gyo, oba baganda bo, oba ab'ekika kyo, oba baliraanwa bo abakombe, kuba tomanha boona bwe bakweta n'osasulwa.

Luka 21:34

“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi.

Ab'e Roma 13:13

Twebise bukalamu ng'abaana abali mu butangaavu. Tutaja mu binhumo ni mu kutamiira waire mu bwenzi, oba obukaba. Tutasoola oba okuba n'ensaalwa.

Ab'Efeso 5:14

Kyebava bakoba bati: “Zuuka iwe atendwike, zuukira ove mu bafu, Kurisito aidha kukwakira.”

Ab'Efeso 5:18

Mutairanga mu kutamiira mwenge ogwidha okubaitaitana, aye mwidhule Mwoyo Mutukuvu.

1 Samueli 25:19

Yaakoba abagheereza be ati: “Muje muneesookengayo, zeena ndidha kubavaaku einhuma.” Aye yaaloba kukoberaku Nabali iba.

1 Samueli 25:37

Nabali, omwenge bwe gwamuwa ku mutwe enkyo, mukazi we Abigaili yaamukobera byonabyona. Nabali bwe yabiwulira, omwoyo gwamugwa mu bigere, era yaasigala agho ng'ali ng'oti ibaale.