1 Samueli 25:34 - Baibuli Ekibono kya Katonda 2014

³⁴ Nga Musengwa Katonda wa Isiraeli bw'ali omulamu, oyo andobeire okukukolaku akabi, bwenebwene ngoli toyangwighe n'oidha ye ndi, bwandijiire okukya nga ku bantu ba Nabali, tighakaaligho waire omulala ati ayetebwa omusaadha, akaali omulamu.”

1 Samueli 25:34 ပူးပေါင်းရင်းမြစ်များ

Amainhama 20:6

Katonda yaamwiramu mu kirooto ati: “Ndidhi ng'ekyo wakikoze mu mwoyo mulungi, era nga ninze nkulobeire okukola ekibi ye ndi, kale kye naviire ni ndoba okukuganha okumugemaku.

Yoshua 10:6

Abasaadha ab'e Gibeoni baagheereza Yoshua obukwenda e Giligali, Abaisiraeli ye baali basimbye weema dhaibwe, nga bukoba buti: “Ife abagheereza bo, otatulekulira agho, yangughaku okwidha okutubeera otuwonie kuba bakyabazinga boonaboona Abamori, ababa eyo mu biketezo eby'ensozi, beesoloiza baatulumba.”

Yoshua 10:9

Yoshua n'eigye lye baatambula obwire bwonabwona okuva e Giligali okutuuka e Gibeoni, era olwatuuka baazinduukiriza Abamori, baabagwaku nga tibeetegeike.

1 Samueli 11:11

Agho ku lunaku olwairirira, Saulo yaagabaniamu abantu be mu bikunsu bisatu. Baalumba Abammoni mu kifo ghe baasimba weema dhaibwe, baabaita okutuusa mu kasana ghagati. Abaawonagho baalumuka, nga buli muntu ali ku lulwe aghazira kusigala na mwine.

1 Samueli 25:18

Agho Abigaili yaayangugha, yaatoola emigaati ebikumi bibiri, n'ensawo ibiri edh'amawu edhirimu omwenge ogw'emizabbibu, n'entaama itaanu enfumbire irala, n'ebiibo bitaanu eby'emere ey'empeke enkalange, n'obufaaganda kikumi obw'emizabbibu emikaze, n'ebitole ebikumi bibiri eby'ebibala eby'emiti emitiini ebikaziibwa. Ebyo byonabyona yaabitwika ku ndogoyi.

1 Samueli 25:22

Katonda agwananga yambonereza n'obukambwe, bwe bunaakya enkyo nga nkaaleseegho omuntu omulamu ayetebwa omusaadha, ku bantu be boonaboona b'ali nabo.”

1 Samueli 25:26

Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.

1 Samueli 25:39

Daudi bwe yawulira nga Nabali afiire, yaakoba ati: “Musengwa Katonda asaakibwe, oyo eyeesasuliiza ku Nabali eyanvuma, era asaakibwe olw'okunkuuma nze omugheereza we ni ndoba okugwa mu kibi. Buti Musengwa Katonda oyo abonereiza Nabali olw'ekibi kye.” Agho Daudi yaayetesa Abigaili, ng'amukobya abe mukazi we.