1 Samueli 25:3 - Baibuli Ekibono kya Katonda 2014

³ Omusaadha oyo yali wa ku lulyo lwa Kalebu era nga eriina lye ni Nabali, ate eriina lya mukazi we nga ni Abigaili. Omukazi oyo yali nga mutegeevu era nga mulungi mu mboneka ye. Aye iba oyo, yali wa ikabyo era nga wa mpisa mbi.

1 Samueli 25:3 ပူးပေါင်းရင်းမြစ်များ

Amainhama 12:11

Bwe yali ng'ali kumpi okwingira mu Misiri, yaakoba mukazi we Sarai ati: “Bona, ndidhi ng'oli mukazi aboneka obulungi einho.

Zabbuli 10:3

Omukozi w'ebibi yeesaakiriza olw'okwegomba kwe okubi, era omuntu oyo agwidhubanira eby'okufuna, ayogera bubi ku Musengwa Katonda era yaamunhooma.

Ensambo 14:1

Amagezi ag'omukazi n'agazimba amaka ge, aye obusiru bwe bugasaaniagho.

Ensambo 19:14

Endhu n'eby'obukombe ebindi bisikirwa okuva ku bazaire, aye omukazi omutegeevu aba kirabo okuva ye Musengwa Katonda.

Ensambo 30:22

Omwiru okufuuka kyabazinga, n'omusiru okufuna buli ky'ayenda.

Ensambo 31:10

Naani asobola okuzuula omukazi ow'empisa enkalamu? Omukazi oyo wa mughendo okusinga ebintu ebyakolebwa mu mabaale ag'omughendo.

Ensambo 31:26

By'ayogera bya magezi, era agalagira abantu n'ekivunika.

Yoshua 15:13

Nga Musengwa Katonda bwe yalagira, Yoshua yagha Kalebu mutabane wa Yefunne era ow'omu kika kya Yuda, ekitundu ku kiketezo kye yagha Abayuda. Yamugha ekibuga Heburoni, ekyo nga ni Kiriathi Araba, Araba nga n'azaala Anaki.

1 Samueli 25:17

Kale ni ekyo kirowoozeeku era osalegho ky'onaakola, kuba kiidha kuleetera musengwa waife akabi okumwidhira aghalala n'ab'endhu ye. Ate musengwa waife oyo muntu wa ikabyo inho, ghazira aghanga kwogeraku naye.”

1 Samueli 25:25

Nkusaba, musengwa wange, olobe kufa ku Nabali, kuba omuntu oyo mubi. Era eriina lye kye likoba, yeena ky'ali ayetebwa Nabali, era nga bwenebwene musiru. Aye nze omugheereza wo omukazi tyabona baisuka iwe musengwa wange be watuma.

1 Samueli 25:4

Agho Daudi ng'ali eyo mu irungu, yaawulira ati Nabali yali ali kusala ku ntaama dhe obuviiri.

1 Samueli 30:14

Twalumba ekiketezo ekikalukalu eky'Abakerethi, n'ekya Buyudaaya ku luuyi olw'omukono omusaadha olw'e buvandhuba, n'ekya Kalebu, era twayokya ekibuga Zikulaga omuliro.”