1 Samueli 25:28 - Baibuli Ekibono kya Katonda 2014

²⁸ Nkweghembye nsonigha nze omugheereza wo omukazi bye nsobiiza. Bwenebwene Musengwa Katonda aidha kukugha obwakyabazinga obutaja kuvaagho, kuba, iwe musengwa wange, niiwe olwana entalo dha Musengwa Katonda oyo. Era tibalikwagaanamu kibi, obulamu bwo bwonabwona.

1 Samueli 25:28 ပူးပေါင်းရင်းမြစ်များ

2 Samueli 5:2

Mu biseera ebyabita nga Saulo ni kyabazinga waife, niiwe owakulemberangamu eigye lya Isiraeli okuja mu ntalo. Agho Musengwa Katonda yaakukoba ati, ‘Oidha kukulemberanga abantu bange Abaisiraeli, obenga mufuzi waibwe.’ ”

2 Samueli 7:11

nga bwe baakolanga eira mu biseera bye nateeragho abalamuzi abaakulemberanga abantu bange Abaisiraeli. Ndidha kukuwonianga okulumbibwa abazigu bo boonaboona. N'ekindi, nze Musengwa Katonda nkukoba nti ndikwaliza abaana n'abaidhukulu.

2 Samueli 7:16

Ndidha kuleeteranga eizaire lyo okwala, ndeeterenga n'obwakyabazinga bwo okukakata mu maiso gange ebyanda n'ebyanda. Ekityamo kyo eky'obwakyabazinga kiidha kubanga kya maani ebyanda n'ebyanda.’ ”

2 Samueli 7:27

Wo Musengwa Katonda iwe Afuga Amagye, Katonda wa Isiraeli, nze omugheereza wo ngumye naakusaba ebintu ebyo, olw'ebyo by'ondholeike ng'okoba oti, olisikiza abaana n'abaidhukulu abange ku bwakyabazinga.

1 Bakyabazinga 15:3

Abiyamu oyo yaakola ebibi nga lata we bwe yakola. Yaaloba kugumira ku Musengwa Katonda we, nga dhaadha we Daudi bwe yamugumiraku.

1 Bakyabazinga 15:5

Musengwa Katonda yaakola ekyo, kuba Daudi yakolanga ebituufu mu maiso ga Musengwa Katonda oyo, era tiyavanga ku kye yamulagira enaku dhoonadhoona edh'obulamu bwe, okutoolaku ekyo kye yakola Uria Omuhitti.

1 Bakyabazinga 9:5

ndireetera obwakyabazinga bwo okusigalagho nga bugumu ebyanda n'ebyanda, nga bwe nasuubiza lata wo Daudi nti, ‘Mu b'eizaire lyo toobulengamu muntu atyama ku kityamo kya bwakyabazinga bwa Isiraeli.’

1 Ebyomubyanda 17:10

mu biseera bye nateeragho abalamuzi abaakulemberanga abantu bange Abaisiraeli. Ndidha kukuwonianga okulumbibwa abazigu bo boonaboona. N'ekindi, nze Musengwa Katonda nkukoba nti ndikwaliza abaana n'abaidhukulu.

1 Ebyomubyanda 17:25

Wo Katonda wange, nze omugheereza wo ngumye naakusaba ebintu ebyo, olw'ebyo by'ondholeike ng'okoba oti, olinsikiza abaana n'abaidhukulu abange ku bwakyabazinga bwange.

2 Ebyomubyanda 20:15

Yahazieli oyo yaakoba ati: “Isebantu kyabazinga Yehoshafati, n'imwe mwenamwena abantu ab'omu Buyudaaya ni mu Yerusalemu, muwulirise: Musengwa Katonda akoba ati, mutatya, era eigye lino einene litabamalamu maani, kuba olutalo luno ti niimwe mwidha okululwana, aye Katonda mwene n'aidha okululwana.

Zabbuli 7:3

Wo Musengwa Katonda wange: Ghaligho omuntu yeenayeena ye nakola ekibi? Ghaligho ow'omukago ye natuusaaku akabi? Ghaligho omuzigu ye ntaakolera nga bwe kigwaine? Oba nga ghaligho ku ebyo kye nakola,

Zabbuli 89:29

Obwakyabazinga bwe ndidha kubufuula bwa nsikirano ebyanda n'ebyanda; buja kubaagho ekiseera kyonakyona eigulu kye lirimala nga lirigho.

Okubala 23:21

Ghazira kikyamu kinaidhira bantu ba Yakobo, ghazira kizibu kinaatuuka ku Baisiraeli abo. Musengwa Katonda waibwe aba ghalala nabo, baayatula nga bw'ali kyabazinga waibwe.

Matayo 5:16

Ekimulika kyaimwe kyakire abantu kityo, babone ebikolwa byaimwe ebikalamu, baghe Iseimwe ow'omu igulu ekitiisa.

Luka 23:41

Ife tuli kusasulwa olw'ebyo bye twakola, aye mwene azira kibi kye yaali akoze.”

Luka 23:47

Omukulu ow'ekikunsu eky'abaisirukale bwe yabona ebibairegho, yaasaaka Katonda era yaakoba ati: “Bwenebwene omuntu ono tabaire na musango!”

1 Samueli 15:28

Samueli yaamukoba ati: “Musengwa Katonda akukanwireku obwakyabazinga bwa Isiraeli olwaleero, yaabugha muliraanwa wo akusinga obulungi.

1 Samueli 17:47

Era olwo abantu bano boonaboona abeesoloiza ghano bamanhe nga Musengwa Katonda talokola na mpiima waire na ifumo kuba Musengwa Katonda ni mwene lutalo luno, era imwe aidha kubata mu ngalo dhaife tubaghangule.”

1 Samueli 18:17

Agho Saulo yaakoba Daudi ati: “Ndidha kukugha mughala wange omukulu Merabu, akufumbirwe. Aye oli n'okubanga omuntu aziramu ntete, olwanenga entalo dha Musengwa Katonda.” Saulo yakola ekyo ng'ali kukoba mule ati: “Nze ka ndeke okumwita, aye Abafilisiti n'ababe bamwite.”

1 Samueli 2:35

Ndidha kweronderayo kabona omwesigwa anaakolanga bye nhenda era ebinsangaaza. Nja kumugha eizaire era nditeegho ligheerezenga lubeerera oyo ye nasiiga omuzigo.

1 Samueli 22:14

Ahimeleki yairamu kyabazinga ati: “Mu bagheereza bo boonaboona naani omwesigwa ng'oti ni Daudi? Daudi oyo, mukoirume wo era n'akulira ekikunsu eky'abakukuuma, era wa kitiibwa mu ndhu yo.

1 Samueli 24:11

Era lata wange kyabazinga, bwenebwene bona, akatundu k'eigemo ery'ekanzu yo ndi nako mu ngalo dhange. Kale ni, nze okusobola okusala akatundu ku igemo ly'ekanzu yo, aye ni ntakwita, okwo kw'obe omanhire nga nzira kabi ke nkwendeza oba okwenda okukudheemera. Ghazira kibi kyonakyona kye naali nkukozeeku, waire nga iwe oyiigania obulamu bwange obumalegho.

1 Samueli 24:17

Yaakoba Daudi ati: “Niiwe omutuufu, kuba onkoleire ebirungi, aye nze naakusasulamu bibi.

1 Samueli 24:21

Aye ndayirira mu liina lya Musengwa Katonda nga tolizikiriza izaire lyange nga nviiregho, era tolisaaniagho liina lyange mu ba ndhu ya lata wange.”

1 Samueli 24:4

Abasaadha ba Daudi baakoba Daudi bati: “Luno n'olunaku Musengwa Katonda lwe yakukoba ati, ‘Bona eno, nja kukuta omuzigu wo mu ngalo. Olimukola kyonakyona ky'olyenda.’ ” Agho Daudi yaasituka, yeibirira, yaaja yaasala akatundu k'eigemo ku kanzu ya Saulo.

1 Samueli 25:24

Yaagwa agho gha bigere bya Daudi, ng'amukoba ati: “Musengwa Katonda wange, omusango ogwo gute ku nze zenka. Era nkweghembye wulirisa nze omugheereza wo omukazi bye nja okukoba.

1 Samueli 29:3

Abaduumizi b'Abafilisiti baabuuza bati: “Bano Abaheburayi bakola ki ghano?” Akishi yaakobera abaduumizi abo ati: “Ono ni Daudi omugheereza wa Saulo kyabazinga wa Isiraeli. Abaire ninze okumala entangama nnene, era kasookanga alumuka ku musengwa we n'aidha ye ndi, timubonangamu kisobyo kyonakyona ni ye buli eno.”

1 Samueli 30:26

Daudi bwe yatuuka e Zikulaga yaatoola ku munhago, yaagheereza ku bakagwa be abakulembeze mu Buyudaaya, ng'akoba ati: “Ekirabo kino kye mbagheereiza, kiva ku munhago gwe twatoola ku bazigu ba Musengwa Katonda.”