1 Samueli 25:27 - Baibuli Ekibono kya Katonda 2014

²⁷ Era mperaano, musengwa wange, ekirabo kino nze omugheereza wo omukazi kye nkuleeteire, kighe abasaadha bo.

1 Samueli 25:27 ပူးပေါင်းရင်းမြစ်များ

Amainhama 33:11

Nkweghembye, ganha otwale ekirabo kino kye nkuleeteire, kuba Katonda yangemerwa ekivunika yampa byonabyona bye neetaaga.” Yakobo yaayongera okumweghemba okutuusa Esau lwe yaganha.

2 Samueli 16:2

Kyabazinga Daudi yaabuuza Ziba ati: “Bino byonabyona oleese byaki?” Ziba yaamwiramu ati: “Endogoyi dha ba mu ndhu yo iwe Isebantu kyabazinga, batambulirengaku. Emigaati n'ebibala ebisookereza okwenga bya baisuka bo kulya. Omwenge ogw'emizabbibu gw'abo abanaazirikanga mu irungu kunhwangaku.”

2 Bakyabazinga 5:15

Yairayo y'omuntu wa Katonda ghalala ni be yali nabo boonaboona, yaayemerera mu maiso ge, yaakoba ati: “Bona, mpegaano ntegeereire irala nga mu nsi muzira katonda wundi okutoolaku Katonda wa Isiraeli. Kale ganha nze omugheereza wo nkughe ekirabo kye nkuleeteire.”

Ensambo 18:16

Omuntu ali n'ekirabo ky'aleeta bamusegulira yaabita, yaatuuka ni mu maiso ag'abantu abakologho.

2 Ab'e Korintho 9:5

Kale nakibona nga kikalamu okukoba aboluganda bano bansooke okwidha eyo, bategekere irala ekirabo kye mwasuubiza. Nze nje okwidha nga kirigho, kino kyoleke nga mugaba lwa kweyendera aye ti lwa nnaakola ntya.

Abalamuzi 4:10

Baraki yaayeta ab'ekika kya Nafutali n'ekya Zebuluni. Agho abasaadha omutwalo mulala baamunonereza, ni Debora yeena yaaja naye.

1 Samueli 25:42

Agho Abigaili yaayangugha okusituka, yaatyama ku ndogoyi. Yaaja n'abagheereza ba Daudi, ng'agherekeirwaku abagheereza be abakazi bataanu. Abigaili oyo yaafuuka muka Daudi.

1 Samueli 30:26

Daudi bwe yatuuka e Zikulaga yaatoola ku munhago, yaagheereza ku bakagwa be abakulembeze mu Buyudaaya, ng'akoba ati: “Ekirabo kino kye mbagheereiza, kiva ku munhago gwe twatoola ku bazigu ba Musengwa Katonda.”