1 Samueli 25:26 - Baibuli Ekibono kya Katonda 2014

²⁶ Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.

1 Samueli 25:26 ပူးပေါင်းရင်းမြစ်များ

Amainhama 20:6

Katonda yaamwiramu mu kirooto ati: “Ndidhi ng'ekyo wakikoze mu mwoyo mulungi, era nga ninze nkulobeire okukola ekibi ye ndi, kale kye naviire ni ndoba okukuganha okumugemaku.

2 Samueli 18:32

Kyabazinga yaamubuuza Omukushi ati: “Omwisuka Abusalomu ali bukalamu?” Omukushi yaamwiramu ati: “Wo musengwa wange kyabazinga, ekyo ekituuse ku mwisuka oyo kigwananga kyatuuka ku bazigu bo, ni ku abo boonaboona abakudheemera ni bakukola akabi.”

2 Bakyabazinga 2:2

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ntuuke e Betheli.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Betheli.

2 Bakyabazinga 4:6

Ebidoome bwe byaidhula, yaakoba owundi ku batabane be ati: “Ndeetera ekidoome ekindi.” Mutabane we yaamukoba ati: “Ghaziragho kidoome kindi.” Agho omuzigo gwalekera agho okwidha.

Zabbuli 44:3

Abantu bo tibaakozesa mafumo gaibwe okughangula ensi mwe bali, oba okukozesa amaani gaibwe okufuna obughanguzi. Aye amaani go n'obukumu bwo, era n'obukakafu bwo bwe wabagha oti oli ghalala nabo, n'ebyabalaga nga bw'obagonza.

Ensambo 31:12

Buli kiseera akolera iba bikalamu byereere, era tamutuusaaku kabi koonakoona.

Yeremia 29:22

Era abantu abaatoolebwa e Yerusalemu ni batwalibwa e Babilonia mu bunhage, bwe banaayendanga okukolimira omuntu, baidha kukobanga bati, ‘Musengwa Katonda agwananga yaakukola kye yakola Zedekia ni Ahabu, kyabazinga ow'e Babilonia be yayokya mu muliro ni bafa.’

Danieli 4:19

Agho Danieli oyo, era ye baatuuma eriina Beluteshazzari, yaamala akaseera ng'asobeirwa era ng'ali kutya okwogera. Kyabazinga yaamukoba ati: “Beluteshazzari, ekirooto n'amakulu gaakyo birobe kukutiisa bityo.” Beluteshazzari yaamwiramu ati: “Isebantu kyabazinga, kyandibaire kirungi nguli ekirooto ekyo kibaire kigema ku abo abakukyagha, n'amakulu gaakyo gaaba nga gagema ku bazigu bo!

Abaheburayi 10:30

Kuba twidhi oyo eyakoba ati: “Okulwana enzigu kwange, ndyesasuuza.” Era ati: “Musengwa alisalira abantu be omusango.”

1 Samueli 1:26

Hanna yaakoba Eli ati: “Musengwa Katonda ghangaala! Ninze omukazi ole eyali ghano mu maiso go ng'ali kusaba Musengwa Katonda.

1 Samueli 2:9

Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.

1 Samueli 20:16

otaganhanga liina lya Yonathani kwerabirwa ba mu ndhu yo. Era Musengwa Katonda akughenga okwesasuuliza ku bazigu bo.”

1 Samueli 20:3

Aye Daudi yaamukoba ati: “Lata wo akiidhi bukalamu nga iwe ongonza inho, kale yaakoba mule ati, ‘Kino Yonathani atakimanha, alobe kuwulira nnaku ku mwoyo mbitirivu.’ Aye nkulayirira mu Musengwa Katonda omulamu nti nsigaizaayo kaseera buseera nfe.”

1 Samueli 22:3

Eyo Daudi yaavaayo, yaaja e Mizipa eky'e Moabu, yaakoba kyabazinga w'e Moabu ati: “Nkweghembye ganha lata wange ni maama baidhe babe ghano n'iwe, okutuusa nga mmaze okumanha Katonda ky'aja okunkolera.”

1 Samueli 25:25

Nkusaba, musengwa wange, olobe kufa ku Nabali, kuba omuntu oyo mubi. Era eriina lye kye likoba, yeena ky'ali ayetebwa Nabali, era nga bwenebwene musiru. Aye nze omugheereza wo omukazi tyabona baisuka iwe musengwa wange be watuma.

1 Samueli 25:39

Daudi bwe yawulira nga Nabali afiire, yaakoba ati: “Musengwa Katonda asaakibwe, oyo eyeesasuliiza ku Nabali eyanvuma, era asaakibwe olw'okunkuuma nze omugheereza we ni ndoba okugwa mu kibi. Buti Musengwa Katonda oyo abonereiza Nabali olw'ekibi kye.” Agho Daudi yaayetesa Abigaili, ng'amukobya abe mukazi we.

1 Samueli 26:10

Daudi era yaakoba ati: “Nga Musengwa Katonda bw'ali omulamu, era mwene oyo n'alimwita entuuko dhe dhirituuka yaafa, oba alija mu lutalo yaafiira eyo.