1 Samueli 25:24 - Baibuli Ekibono kya Katonda 2014

²⁴ Yaagwa agho gha bigere bya Daudi, ng'amukoba ati: “Musengwa Katonda wange, omusango ogwo gute ku nze zenka. Era nkweghembye wulirisa nze omugheereza wo omukazi bye nja okukoba.

1 Samueli 25:24 ပူးပေါင်းရင်းမြစ်များ

Amainhama 44:18

Agho Yuda yaaja aghali Yosefu, yaakoba ati: “Musengwa wange, nkweghembye nganha, nze omwiru wo ndhogereku n'iwe. Otansungughalira, kuba oli ng'oti ni kyabazinga mwene.

2 Samueli 14:12

Omukazi yaakoba kyabazinga ati: “Nkusaba nze omwiru wo omukazi, ndhogereyo ekibono ekindi eri iwe Isebantu kyabazinga.” Kyabazinga yaamukoba ati: “Yogera.”

2 Samueli 14:9

Omukazi yaakoba kyabazinga ati: “Isebantu kyabazinga, omusango ka gubenga ku nze ni ku b'endhu ya lata wange, aye iwe n'ab'omu kisaagaati kyo eky'obwakyazinga batabangaku musango naire.”

2 Samueli 20:17

Yoabu yaaseeta kumpi n'omukazi ghe yali. Omukazi yaamubuuza ati: “Niiwe Yoabu?” Yoabu yairamu ati: “Ninze.” Omukazi yaamukoba ati: “Nkweghemba owulirise bye nkukoba nze omugheereza wo omukazi.” Yoabu yaamwiramu ati: “Ndi kuwulirisa.”

2 Bakyabazinga 4:37

Omukazi yaidha yaakuba amakiryaivu gha bigere bya Elisha, yaakutama n'ekyeni kyatuuka ku itaka, yaabbeeda omwana we, yaafuluma.

Ensambo 25:15

Omuguminkiriza aikirizisa omufuzi okukola ekintu, n'olulimi olw'okwewooya lwaghangula ebizibu.

Omulangirizi 10:4

Ole akufuga bw'akusungughaliranga otavanga ku mulimo gwo, kuba bwe weewooya asobola okukusonigha n'emisango eminene.

Matayo 18:29

Mugheereza mwine ono yaakuba amakiryaivu yaamweghemba ng'akoba ati, ‘Nguminkiriza ndidha kukusasula.’

1 Samueli 24:8

Nga ghabiseeghooku akaseera, Daudi yeena yaafuluma mu mpuku, yaayeta Saulo ati: “Isebantu kyabazinga!” Saulo yaalinga einhuma. Daudi yaakuba amakiryaivu era yaakutama n'ekyeni kyatuuka ku itaka.

1 Samueli 25:23

Abigaili bwe yabona Daudi yaayangugha, yaava ku ndogoyi, yaakuba amakiryaivu era yaakutama n'ekyeni kyatuuka ku itaka.

1 Samueli 25:25

Nkusaba, musengwa wange, olobe kufa ku Nabali, kuba omuntu oyo mubi. Era eriina lye kye likoba, yeena ky'ali ayetebwa Nabali, era nga bwenebwene musiru. Aye nze omugheereza wo omukazi tyabona baisuka iwe musengwa wange be watuma.

1 Samueli 25:28

Nkweghembye nsonigha nze omugheereza wo omukazi bye nsobiiza. Bwenebwene Musengwa Katonda aidha kukugha obwakyabazinga obutaja kuvaagho, kuba, iwe musengwa wange, niiwe olwana entalo dha Musengwa Katonda oyo. Era tibalikwagaanamu kibi, obulamu bwo bwonabwona.