1 Samueli 25:21 - Baibuli Ekibono kya Katonda 2014

²¹ Nga bakaali kwagaanana, Daudi yali amaze okukoba mule ati: “Obwo bwenebwene lwaki nakuuma ebintu by'omusaadha oyo byonabyona ebyali mu irungu, ni kutabulaku waire ekirala kiti? Ebirungi bye namukolera buti ali kubinsasulamu bibi?

1 Samueli 25:21 ပူးပေါင်းရင်းမြစ်များ

Amainhama 44:4

Bwe baali baakatambulaku katono okuva mu kibuga, Yosefu yaakoba omugheereza we ati: “Situka obingirire abasaadha abo. Bw'onaabatuukaku, obakobe oti, ‘Lwaki ebirungi bye tubakoleire mubisaswiremu ebibi? Lwaki mwibye ekikopo kya musengwa wange ekya feeza?

Yobu 30:8

Bali agho batyo basirusiru era tibamanhiibwa. Baakubwa emiigo, baabingibwa mu ighanga.

Zabbuli 35:12

Bwe mbakolera ebirungi bansasulamu bibi, baaleetera omwoyo gwange okuwaamu amaani.

Zabbuli 37:8

Weesambenga ekiruyi, olekenga n'obusungu n'okweraliikirira, byonabyona bivaamu bibi,

Zabbuli 38:20

Abo abansasulamu ebibi nga mbakoleire ebikalamu, bazigu bange; kuba nze ngezaaku okukola ekituufu.

Ensambo 17:13

Akabi tikaliva mu ndhu y'oyo asasulamu mwine ekibi ng'amukoleire ekirungi.

Yeremia 18:20

Omuntu akoze ekirungi, bwenebwene agwanira kusasulwamu kibi? Oidhukira nga bwenaidhanga y'oli ni mbawolerezaagho olobe kubamaliraku busungu. Aye ate buti basimye ebiina nga benda ngwemu nfe!

Ab'e Roma 12:21

Ekibi kitakughangulanga, aye iwe kighangulenga ng'okola ebikalamu.

Ab'Efeso 4:26

Bwe musungughala, obusungu butabasindikanga mu kwona. Mutagwisanga ndhuba nga mukaasibye obusungu ku mwoyo,

Ab'Efeso 4:31

Mulekeyo enge, ekiruyi, obusungu, okwereega, okuvumagana n'okukyaghagana kwonakwona.

1 Ab'e Thessalonika 5:15

Ghatabangagho mu imwe eyeesasuuza ng'akoleibwa ekibi, aye buliidho buli muntu afubenga okukolera mwine obukalamu, era n'okukoleranga obukalamu abantu boonaboona.

1 Petero 3:17

Ekisinga bukalamu n'okudaazibwadaazibwa olw'okukola ekituufu, bwe kuba nga n'okwenda kwa Katonda, mu kifo eky'okudaazibwadaazibwa olw'okukola obubi

1 Petero 3:9

Timwesasuuzanga nga mukoleibwa ekibi, oba okuvuma nga muvumiibwa, aye mubasabirenga bwa nkabi kuba kino Katonda kye yabeetera, olwo mufune enkabi.

1 Samueli 25:13

Daudi yaakoba abasaadha be ati: “Buli muntu yeesibe empiima ye.” Agho buli muntu yeesiba empiima ye. Daudi yeena yeesiba eyiye. Abantu ng'oti ebikumi bina baanonereza Daudi oyo, ate ebikumi ebibiri baasigala okukuuma ebintu ebikozesebwa.

1 Samueli 25:15

Ate nga abasaadha abo baatubisa bukalamu inho. Ghazira kabi koonakoona akaatutuukaku waire ekintu kyonakyona okutubulaku, ekiseera kyonakyona kye twamala nabo eyo mu nsiko.

1 Samueli 25:20

Abigaili bweyali ng'ali kuvuga endogoyi, ng'ali kwikirira okuva mu ikoona ly'olusozi, yaja okulinga ati, ng'abona Daudi n'abasaadha be nga bali kwidha y'ali. Agho yaayagaanana nabo.

1 Samueli 25:7

Nawuliire nti oli n'abasala ku ntaama obuviiri. Abaayi bo baali n'ife, twaloba kubakolaku kabi koonakoona. Era ekiseera kyonakyona kye baamala e Karumeli, ghazira kintu kyaibwe waire ekirala ekyababulaku.