1 Samueli 25:2 - Baibuli Ekibono kya Katonda 2014

² Yaabaayo omusaadha e Maoni, eyakoleranga emirimo gye mu Karumeli. Yali mukombe inho, ng'ali n'entaama enkumi isatu (3,000) n'embuzi lukumi (1,000). Mu kiseera ekyo yaliyo e Karumeli, ng'ali kusala ku ntaama dhe obuviiri.

1 Samueli 25:2 ပူးပေါင်းရင်းမြစ်များ

Amainhama 13:2

Aburamu yali mukombe inho, ng'ali n'ebyayo, ni feeza, ni zaabu.

Amainhama 26:13

Era yaafuna ebintu kamaala, nga byeyongera bweyongere, yaafuuka mukombe.

Amainhama 31:19

Labani yali ng'ajiire okusala ku ntaama obuviiri, Rakeli yaiba emisambwa gya ise egy'omu maka.

Amainhama 32:14

nga n'omuli embuzi enkazi ebikumi bibiri, n'enume amakumi abiri entaama enkazi ebikumi bibiri, n'enume amakumi abiri.

Amainhama 38:13

Abantu baakoberaku Tamari bati: “Nhazaala wo ali kuja e Timuna okusala ku ntaama obuviiri.”

2 Samueli 19:32

Barazillai oyo yali musaadha mukaire inho, ng'agheza emyaka kinaana egy'obukulu. Yali mukombe inho, nga n'agha kyabazinga emere ekiseera kyonakyona kyabazinga oyo kye yamala e Mahanaimu.

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Yobu 42:12

Musengwa Katonda yaagha Yobu enkabi mu kiseera eky'obulamu bwe eky'oluvainhuma, okusingaku ni mu kyasooka. Yobu yaaba n'entaama omutwalo mulala n'enkumi ina, n'engamiya kakaaga, n'ente edhirima lukumi, n'endogoyi enkazi lukumi.

Zabbuli 17:14

Wo Musengwa Katonda, kozesa omukono gwo omponie abantu abazira mugabo ghandi, okutoolaku mu bulamu obw'oku nsi. Baiguse okudaagadaaga kwe wabaterekera, ghasigale naghooku okundi okumala okwigusa n'abaana baibwe n'okubasina, ate balekereghooku n'abaidhukulu.

Ensambo 30:22

Omwiru okufuuka kyabazinga, n'omusiru okufuna buli ky'ayenda.

Yoshua 15:55

Era baagheebwayo ekiketezo ekindi nga kirimu ebibuga bino: Maoni, Karumeli, Zifa, Yutta,

1 Samueli 15:12

Bwe bwakya, Samueli yaawuuna okuja okubona Saulo. Baamukobera bati: “Saulo yajiire Karumeli, mwene ye yeezimbira ekiidhukizo, era yamaze yeeyongerayo yaatuuka e Giligali.”

1 Samueli 23:24

Kale baasitula bairayo e Zifu, beesookangayo Saulo. Mu kiseera ekyo, Daudi n'abasaadha be baali mu irungu ly'e Maoni mu kiiko ekirimu omwiga Yorudani, ku luuyi olw'omukono omusaadha olw'e buvandhuba wa Yeshimoni.

1 Samueli 30:5

Ni baka Daudi bombi, Ahinoamu ow'e Yezireeli ni Abigaili namwandu wa Nabali ow'e Karumeli, boona baali babatwaire nga banhage.