1 Samueli 25:19 - Baibuli Ekibono kya Katonda 2014

¹⁹ Yaakoba abagheereza be ati: “Muje muneesookengayo, zeena ndidha kubavaaku einhuma.” Aye yaaloba kukoberaku Nabali iba.

1 Samueli 25:19 ပူးပေါင်းရင်းမြစ်များ

Amainhama 32:16

Ensolo dhino yaadhaawulayawulamu ebikunsu, yaadhigemya abairu be, nga buli mulala atwalaku ekikunsu kirala. Yaabakoba ati: “Munkulemberemu nga buli kikunsu kyeswire ku kiinaakyo akata.”

Amainhama 32:19

Era yaalagira n'owokubiri, n'owokusatu, n'abandi boonaboona abaatwala ebikunsu by'ensolo, yaabakoba ati: “Mutyo bwe munaakoba Esau nga mumwagaine.

Amainhama 32:20

Munaamukoba muti ‘Bwenebwene omugheereza wo Yakobo ali kutuvaaku einhuma!’ Kuba Yakobo yakoba mule ati, ‘Ndidha kumuwooyawooya n'ebirabo ebinkulembeiremu, olwo bwe nnaamwagaana, katyo anaatusangaalira.’ ”

Amainhama 32:21

Kale yaamukulembezaamu ekirabo, aye mwene yaasula agho obwire obwo.

Ensambo 31:27

Alabirira bukalamu eby'omu maka ge, era eby'obugayaavu abiziraku.

1 Samueli 14:1

Lwali lulala, Yonathani mutabane wa Saulo yaakoba omwisuka eyamugemeranga eby'okulwanisa ati: “Idha tuje mu nkambi y'abalwani Abafilisiti.” Aye tiyakoberaku lata we Saulo.

1 Samueli 25:20

Abigaili bweyali ng'ali kuvuga endogoyi, ng'ali kwikirira okuva mu ikoona ly'olusozi, yaja okulinga ati, ng'abona Daudi n'abasaadha be nga bali kwidha y'ali. Agho yaayagaanana nabo.

1 Samueli 25:36

Abigaili yairayo ye Nabali, yaamwagaana ng'afumbye embaga ey'amaani mu ndhu ye embaga eyo ng'eri ng'oti ya kyabazinga. Yali atamiire inho era nga musangaavu inho. Kale Abigaili yaaloba kumukobera kintu kyonakyona okutuusa bwe bwakya enkyo.