1 Samueli 25:17 - Baibuli Ekibono kya Katonda 2014

¹⁷ Kale ni ekyo kirowoozeeku era osalegho ky'onaakola, kuba kiidha kuleetera musengwa waife akabi okumwidhira aghalala n'ab'endhu ye. Ate musengwa waife oyo muntu wa ikabyo inho, ghazira aghanga kwogeraku naye.”

1 Samueli 25:17 ပူးပေါင်းရင်းမြစ်များ

2 Samueli 24:13

Kale Gadi yaaja ye Daudi yaamukobera nga Musengwa Katonda bwe yamukoba. Yaamukoba ati: “Ku bisatu bino olondaku kirigha? Endhala okugwa mu nsi yo okumala emyaka esatu? Oba iwe okumala emyezi esatu ng'oli kulumuka abazigu bo abakuyiigania? Oba ekibamba okwidha mu nsi yo ni kigigoya okumala enaku eisatu? Buti dhuubiriza osalegho kye mbe ndhiremu oyo antumye.”

1 Bakyabazinga 21:10

Olwo muleete mu maiso ge abantu babiri abazira kye bagasa, bamulumirize bati, ‘Wavuma Katonda era waavuma ni kyabazinga.’ Memale olwo mumutoolegho, mumutwale mumukube amabaale afe.”

1 Bakyabazinga 21:13

Abantu babiri abazira kye bagasa baidha baatyama mu maiso ge, era baamulumiriza mu maiso g'abantu nga bakoba bati: “Nabothi yavuma Katonda era yaavuma ni kyabazinga.” Kale abantu baamutwala kuliya kw'ekibuga, baamukuba amabaale, yaafa.

2 Ebyomubyanda 13:7

Abantu abazira kye bagasa baidha beeyimba naye, baanhooma Rehoboamu mutabane wa Solomoni era baamweyawulaku, alobe kuba kyabazinga waibwe. Rehoboamu oyo yali akaali muto, ng'azira bumanhirivu obumusobozesa okubalobera okukola ekyo.

2 Ebyomubyanda 25:16

Aye yali akaayogera, kyabazinga yaamukoba ati: “Twakulonda li okuba omuwi ow'amagezi wa kyabazinga? Sirika, okutoolaku ng'oli kunoonia kukwita!” Omulanzi yaasirika, aye era ng'amaze okumukoba ati: “Ndidhi nga Katonda mumalirivu okukuzikiriza, kuba okoze ekyo era waaloba kuwulirisa magezi ge nkughaire.”

Ensambo 12:8

Omuntu ali n'amagezi abantu bamwogeraku bukalamu, aye ole ali n'ebirowoozo ebyakyama bamunhooma.

Amateeka Agokubiri 13:13

ghaligho abantu ab'eighanga lyaimwe abadankaanu, abamaze okusendasenda abatyamye b'omu kibuga kyaibwe okusinza bakatonda be mutasinzangaku.

Abalamuzi 19:22

Bwe baali nga bakaasanhuka, abasaadha ab'omu kibuga abadankaanu baazingiza endhu eyo okugyezunguluza. Baakonta ku lwigi, baakoba omusaadha omukaire mwene ndhu bati: “Fulumya omusaadha oyo aingiire mu ndhu yo, tube naye mu nsambo abasaadha ye babaamu n'abakazi mu buliri!”

1 Samueli 10:27

Aye ghaabaagho abantu abazira kye bagasa, abaakoba bati: “Omusaadha oyo alituwonia atya?” Kale baamunhooma, baaloba kumutwalira birabo. Aye mwene yaabaleka buleke.

1 Samueli 2:12

Batabane ba Eli baali abantu abazira kye bagasa, nga tibaisaayo mwoyo ku Musengwa Katonda.

1 Samueli 20:7

Bw'anaakoba ati, ‘Kirungi’, olwo nze omugheereza wo ndidha kuba nga ndi bukalamu. Aye bw'anaasungughala, ng'omanha nga ghaligho akabi k'ategeike okunkola.

1 Samueli 20:9

Yonathani yaakoba ati: “Ekyo tikiribaagho ku iwe! Nze nsobola ntya okumanha nga ghaligho akabi lata wange k'ategeike okukukolaku, memale ni ndoba okukukobera?”

1 Samueli 25:16

Baatukuumanga omusana n'obwire ekiseera kyonakyona kye twamala nabo nga twaya entaama.

1 Samueli 25:18

Agho Abigaili yaayangugha, yaatoola emigaati ebikumi bibiri, n'ensawo ibiri edh'amawu edhirimu omwenge ogw'emizabbibu, n'entaama itaanu enfumbire irala, n'ebiibo bitaanu eby'emere ey'empeke enkalange, n'obufaaganda kikumi obw'emizabbibu emikaze, n'ebitole ebikumi bibiri eby'ebibala eby'emiti emitiini ebikaziibwa. Ebyo byonabyona yaabitwika ku ndogoyi.

1 Samueli 25:25

Nkusaba, musengwa wange, olobe kufa ku Nabali, kuba omuntu oyo mubi. Era eriina lye kye likoba, yeena ky'ali ayetebwa Nabali, era nga bwenebwene musiru. Aye nze omugheereza wo omukazi tyabona baisuka iwe musengwa wange be watuma.