1 Samueli 25:10 - Baibuli Ekibono kya Katonda 2014

¹⁰ Agho Nabali yairamu abagheereza ba Daudi abo, ng'akoba ati: “Daudi naani? Mutabane wa Yesse naani? Enaku dhino ghaligho abagheereza kamaala abeiba ku basengwa baibwe ni babalumukaku.

1 Samueli 25:10 ပူးပေါင်းရင်းမြစ်များ

2 Samueli 20:1

Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

1 Bakyabazinga 12:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

Okuvaayo 5:2

Aye kyabazinga yaabakoba ati: “Musengwa Katonda naani, ye ndi n'okuwulira era ni ndeka Abaisiraeli okuja? Nze tiidhi Musengwa Katonda oyo, era tiidha kuleka Baisiraeli kuva ghano.”

Ensambo 15:1

Omuntu airamu nga yeewooya amalagho obusungu, aye ole ayogera n'eikabyo abusiikuula busiikuule.

Omulangirizi 7:10

Otabuuzanga oti: “Lwaki ebiseera eby'eira byalinga birungi okusinga ebirigho buti?” Ekibuuzo ekyo ti kya magezi.

Isaia 32:5

Omusiru aliba takaayetebwa ati wa kitiibwa, waire omukupankupania okwetebwa ati wa mazima.

Isaia 32:7

Omukupankupania muntu mubi, ni by'akola bibi byereere. Asala amagezi okwitaitana abaavu ng'ayogera eby'obuguya, ni bwe baba nga bye basaba okukolerwa n'ebyo ebituufu bye bagwaniire.

Abalamuzi 9:28

Gaali oyo mutabane wa Ebedi yaakoba ati: “Tuli bantu ba nsambo ki ife ab'omu Shekemu muno? Lwaki tugheereza Abimeleki? Ye Abimeleki oyo naani? Era abimeleki oyo ni Zebuli omukungu we, bombi tibaagheerezanga basaadha ba Hamori, lata wa Shekemu? Kale lwaki tumugheereza?

1 Samueli 20:30

Agho obusungu bwa Saulo bwatumbukira ku Yonathani ng'oti muliro, yaamukoba ati: “Iwe omwana w'omukazi omudheemu era omudankaanu, nkiidhi bukalamu nti wasalagho okuba ku luuyi lwa mutabane wa Yesse, weereetera okweswaza iwe mwene era n'okuswaza inhoko.

1 Samueli 22:2

Abantu abaali batuntuzibwa, n'abaali babandhibwa, era n'abo abataali basiimu, boonaboona beesololeza aghaali Daudi. Daudi yaafuuka mukulembeze waibwe, nga boonaboona baghera ng'oti ebikumi bina.

1 Samueli 25:9

Abaisuka ba Daudi bwe baatuuka ye Nabali, baamukoba ebyo byonabyona nga Daudi bwe yabibakoba. Bwe baamala baateega ky'anaabairamu.