1 Samueli 25:1 - Baibuli Ekibono kya Katonda 2014

¹ Agho Samueli yaafa. Abaisiraeli boonaboona beesoloza okumulira, baamuziika mu maka ge e Rama. Ebyo olwawa, Daudi yaasitula, yaaja mu irungu ery'e Parani.

1 Samueli 25:1 ပူးပေါင်းရင်းမြစ်များ

Amainhama 14:6

n'Abahori mu kiketezo kyaibwe Seiri eky'ensozi baababingirira okubatuusa mu Eluparani ku mbali kw'eirungu.

Amainhama 21:21

Yaabanga mu irungu ery'e Parani, era inhina yaamufunira omukazi Omumisiri.

Amainhama 23:2

yaafiira mu Kiriatharaba, ng'ekyo n'e Heburoni, mu nsi ey'e Kanaani. Aburahamu yaakola emikolo egy'okulira mukazi we.

Amainhama 50:11

Abantu abatyamye ab'omu Kanaani bwe baabona abantu abo, nga bali kulirira mu kifo aghakubirwa engaano eky'e Atadi, baakoba bati: “Abamisiri nga bali kulira inho amaziga!” Ekifo ekyo kye kyava kituumibwa eriina Abeli Miziraimu.

1 Bakyabazinga 2:34

Kale Benaia mutabane wa Yehoiada yaaja yaita Yoabu, baamuziika ewuwe mu irungu.

2 Bakyabazinga 21:18

Agho Manasse yaafa yeeyimba ku badhaadha be abaafa, era yaaziikibwa mu nimiro y'omu kisaagaati kya kyabazinga, eyetebwa eya Uzza. Mutabane we Amoni yaamusikira ku bwakyabazinga.

2 Ebyomubyanda 33:20

Agho Manasse yaafa yeeyimba ku badhaadha be abaafa, era yaaziikibwa mu kisaagaati kye eky'obwakyabazinga. Mutabane we Amoni yaamusikira ku bwakyabazinga.

Zabbuli 120:5

Nkagwireku nze, okusenga mu bantu abali ng'oti n'ab'e Mesheki, ni mba mu bantu abali ng'oti n'ab'e Kedari!

Isaia 14:18

Bakyabazinga boonaboona ab'ensi baziikibwa mu bitiibwa, buli kyabazinga mu magombe agage geene.

Zekaria 1:5

Aye buti badhaadha baimwe abo bali gha? N'abalanzi abo babaagho nga balamu byanda na byanda?

Okubala 10:12

Abaisiraeli baatoolera olugendo mu bikunsu okuva mu irungu ery'e Sinai. Ekire ekyo kyaja kyayemerera mu irungu ery'e Parani.

Okubala 12:16

Ebyo bwe byawa abantu baatoolera okutambula nga baava e Hazerothi, baaja baasimba weema dhaibwe mu irungu ery'e Parani.

Okubala 13:26

Baaja ye Musa ni Aaroni, ni y'Abaisiraeli boonaboona nga beesoloiza e Kadeshi mu irungu ery'e Parani, baabakobera bye baabonayo, era baabooleka ni ku bibala bye baatoolayo.

Okubala 13:3

Kale Musa yaatuma abakulembeze abo ab'ebika mu Isiraeli, nga bali mu irungu ery'e Parani nga Musengwa Katonda bweyalagira.

Okubala 20:29

Abaisiraeli boonaboona bwe bamanha nga Aaroni afiire, bamulirira enaku amakumi asatu.

Ebikolwa by'Abatume 8:2

Abantu abaisaamu Katonda ekitiisa baaziika Sitefano era baamulira inho.

Amateeka Agokubiri 34:8

Agho Abaisiraeli baalira Musa okumala enaku amakumi asatu, nga bali mu kiketezo eky'oku museetwe e Moabu, okutuusa ekiseera eky'okumulira bwe kyawaaku.

1 Samueli 1:19

Bwe bwakya enkyo Elukana n'ab'omu ndhu ye baasinza Musengwa Katonda. Bwe baamala bairayo mu maka gaibwe e Rama. Agho Elukana yaaba ni mukazi we Hanna mu buliri, era Musengwa Katonda yaidhukira Hanna oyo.

1 Samueli 28:3

Mu kiseera ekyo Samueli yali amaze okufa, nga n'Abaisiraeli boonaboona bamaze okumulira n'okumuziika e Rama mu kibuga kye. Era Saulo yali amaze okubinga abalaguzi n'abasamize mu Isiraeli.

1 Samueli 7:17

Bwe yamalanga, yairayo e Rama, n'eyabanga amaka ge. Era eyo yoona yaalamulirangayo Abaisiraeli, era yaazimbirayo Musengwa Katonda alutaari.