1 Samueli 24:4 - Baibuli Ekibono kya Katonda 2014

⁴ Abasaadha ba Daudi baakoba Daudi bati: “Luno n'olunaku Musengwa Katonda lwe yakukoba ati, ‘Bona eno, nja kukuta omuzigu wo mu ngalo. Olimukola kyonakyona ky'olyenda.’ ” Agho Daudi yaasituka, yeibirira, yaaja yaasala akatundu k'eigemo ku kanzu ya Saulo.

1 Samueli 24:4 ပူးပေါင်းရင်းမြစ်များ

2 Samueli 4:8

Baatwalira Daudi omutwe gwa Ishiboshethi e Heburoni, baamukoba bati: “Omutwe guuguno ogwa Ishiboshethi mutabane wa Saulo omuzigu wo, eyakuyiiganianga. Olwaleero Musengwa Katonda yeesasuuliiza ku Saulo ni ku izaire lye, ku lwa iwe Isebantu kyabazinga.”

Yobu 31:31

Abantu boonaboona ababa mu maka gange baidhi bati kiisi muntu eyaidhanga ye ndi, yagabulwanga eby'okulya yaiguta.

Zabbuli 142:1

Ndirira Musengwa Katonda aidhe ambeere; era mmweghemba awulire okusaba kwange.

Zabbuli 57:1

Wo Katonda wange, nsaasira era nsaasirira irala, kuba niiwe ye neesiga. Mpambaatira ng'oti n'enkoko bw'ekola obwana bwayo, okutuusa kiwunga ono azikiriza ng'amaze okubita.

Okuvaayo 21:13

Aye bw'anaabanga nga tiyamweteega mu bugenderevu, aye nga nze Katonda ninze nasalagho afe mu nsambo eyo, agho ndidha kutangagho ekifo mw'anaalumukiranga, n'awona omusango ogwo.

1 Samueli 22:1

Agho Daudi yaava mu kibuga ky'e Gathi, yaalumukira mu mpuku y'e Adullamu. Baganda be n'ab'endhu ya ise bwe baakiwulira, baaja eyo ye yali.

1 Samueli 23:17

Yaamukoba ati: “Otatya, kuba lata wange Saulo taaghange kukukolaku kabi naire. Iwe oidha kuba kyabazinga wa Isiraeli, nze nkwiririre mu kitiibwa. Era ekyo ni lata wange Saulo akiidhi.”

1 Samueli 23:7

Agho baakobera Saulo bati: “Daudi aidhie mu kibuga Keila.” Saulo yaakoba mule ati: “Katonda amungabwire, kuba yeigaliiza mwene bw'aingiire mu kibuga ekiriku endhigi edhiriku ebisiba.”

1 Samueli 24:10

Olwaleero weeboneireku n'amaiso go geene, nga Musengwa Katonda abaire okutaire mu ngalo dhange ng'oli mu mpuku. Abandi bankobye nkwite, aye nze naaloba, nga nkoba nti, ‘Tiidha kugalula mukono kwita musengwa wange kyabazinga, kuba n'oyo Musengwa Katonda ye yasiiga omuzigo.’

1 Samueli 24:18

Era olwaleero oyoleike nga bw'ombisiisa obukalamu n'otandhita, ate nga Musengwa Katonda antaire mu ngalo dho.

1 Samueli 26:23

Musengwa Katonda asasula buli muntu olw'obutuufu bwe n'obwesigwa bwe. Olwaleero Musengwa Katonda oyo akumpaire mu ngalo dhange, aye nze naaloba kugalula mukono gwange kukola kabi ku oyo Musengwa Katonda ye yasiiga omuzigo.