1 Samueli 24:22 - Baibuli Ekibono kya Katonda 2014

²² Daudi yaikiriza yaalayirira Saulo atyo. Agho Saulo yairayo ewuwe, aye Daudi n'abasaadha be bairayo mu kifo kyaibwe eky'okwewogomamu.

1 Samueli 24:22 ပူးပေါင်းရင်းမြစ်များ

Amainhama 21:22

Agho mu biseera ebyo, Abimeleki ng'ali ghalala ni Fikoli omuduumizi w'eigye lye, baidha ye Aburahamu. Abimeleki yaakoba Aburahamu ati: “Katonda aba n'iwe mu byonabyona by'okola.

Amainhama 21:23

Kale layira mu maiso ga Katonda oyo nga toidha kunguyaguyanga nze, waire abaana bange oba abaidhukulu bange. Era nga bwembairenga mwesigwa y'oli, weena obenga mwesigwa ye ndi, era n'eri ensi eno y'olimu.”

2 Samueli 21:6

Kale ni batughe abantu musanvu ku baidhukulu be, tubasibe emigugha mu nkoto tubalengeedhie mu maiso ga Musengwa Katonda e Gibea ku lusozi lwa Musengwa Katonda.” Kyabazinga yaabairamu ati: “Ndidha kubagha abantu abo omusanvu.”

2 Samueli 21:7

Aye kyabazinga Daudi yaawonia Mefiboshethi mutabane wa Yonathani era mwidhukulu wa Saulo, yaaloba kumughaayo, olw'ekirayiro Daudi oyo ni Yonathani oyo mutabane wa Saulo kye baakola mu liina lya Musengwa Katonda.

Yoanne 2:24

Aye Yesu nga tabeeyalizaamu, kuba boonaboona yali abaidhi.

1 Samueli 23:29

Daudi yaava agho, yaaja mu kiketezo ekyayetebwanga Engedi, yeegisa eyo.

1 Samueli 26:25

Saulo yaakoba Daudi ati: “Mwana wange Daudi, Musengwa Katonda akughenga enkabi. Oidha kubanga mughanguzi mu byonabyona by'onaakolanga.” Agho Daudi yaagema engira yaaja, ate Saulo yairayo ewuwe.