1 Samueli 23:9 - Baibuli Ekibono kya Katonda 2014

⁹ Daudi yaakitegeera nga Saulo ali kutegeka okumukola akabi. Kale yaakoba Abiathari kabona ati: “Leeta ghano ekivaalo eky'obwakabona.”

1 Samueli 23:9 ပူးပေါင်းရင်းမြစ်များ

1 Bakyabazinga 2:26

Kyabazinga Solomoni yaakoba Abiathari kabona ati: “Ja mu kyalo kyo mu Anathothi. Ogwaniire okwitibwa, aye tiidha kukwita mpegaano, kuba walabiriranga Esanduuku ya Musengwa Katonda ey'Endagaano, bwe wali ni lata wange Daudi, era waabanga ghalala naye mu bizibu bye byonabyona.”

Yeremia 33:3

“Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Okubala 27:21

Yoshua oyo aidha kujanga ye Eleazari kabona, Eleazari kabona oyo akozesenga Urimu ni Thummimu okumubuulizaagho eri nze Musengwa Katonda, aghange okumanha kye nhenda akole. Era ekyo Eleazari ky'anaazuulanga, Yoshua n'Abaisiraeli boonaboona kye banaajiirangaku mu buli kye banaakolanga.”

Ebikolwa by'Abatume 14:6

Aye Abatume bwe baakimanha, baalumukira mu Lisitura ni Derube ebibuga eby'e Lukaonia ni mu biketezo ebikiriinaine

Ebikolwa by'Abatume 9:24

aye Saulo yaamanha olukwe lwaibwe. Omusana n'obwire baamweteega ku miryango egingira mu kibuga, bamwite.

1 Samueli 10:22

Beeyongera okwebuuza ku Musengwa Katonda bati: “Omusaadha oyo ali ghano, oba ekaaliyo owundi?” Musengwa Katonda yairamu ati: “Wuule yeegisiisa mu bintu.”

1 Samueli 14:18

Saulo yaakoba Ahiya kabona ati: “Leeta ghano Esanduuku ya Katonda”, kuba mu biseera ebyo Abaisiraeli baajanga n'Esanduuku ya Katonda buli ghe baajanga.

1 Samueli 22:20

Aye ku batabane ba Ahimeleki, mutabane wa Ahitubu, kwaliku mulala eyalumuka n'awona nga bamweta Abiathari, yaaja yeeyimba ku Daudi.

1 Samueli 23:10

Daudi oyo yaakoba ati: “Wo Musengwa Katonda wa Isiraeli, nze omugheereza wo mpuliire nga Saulo ali kutegeka okwidha e Keila okuzikiriza ekibuga ku lwange.

1 Samueli 23:6

Abiathari mutabane wa Ahimeleki bwe yalumuka ni yeeyimba ku Daudi e Keila, yaja n'ekivaalo eky'obwakabona.

1 Samueli 23:8

Agho Saulo yaayeta abalwani be boonaboona mu lutalo, baje bazingize Daudi n'abasaadha be okubeezunguluza.

1 Samueli 30:7

Daudi oyo yaakoba Abiathari kabona mutabane wa Ahimeleki ati: “Ndeetera ekivaalo eky'obwakabona.” Abiathari yaaleeta ekivaalo eky'obwakabona eri Daudi.